Бүгүн, 2011-жылдын 3-ноябрында Кыргыз Республикасынын Шайлоо жана референдум өткөрүү боюнча борбордук комиссиясынын мүчөсү Ишенбай Кадырбеков жалпыга маалымдоо каражаттарынын өкүлдөрүнө пресс-конференция берди.
И.Кадырбеков Бишкек ш. жана республиканын башка аймактарынын жашоочуларынан келип түшкөн арыздар боюнча шайлоочулардын тизмелерин тактоо тууралуу өткөрүлүп жаткан жумуш жөнүндө кенен баяндап берди.
Негизинен, Кыргыз Республикасынын Президентин шайлоо күнү 2011-жылдын 30-октябрында жана 31-октябрда, 1-ноябрда Кыргыз Республикасынын Борбордук шайлоо комиссиясынын дарегине жиберилген арыздарда шайлоочулардын тизмесинде болбой калагандыгына байланыштуу добуш бере алышпай калгандыгы жөнүндө айтылат. КР БШК мүчөсү И.Кадырбеков журналисттерге 2010-жылдагы парламенттик шайлоолордогу жана азыркы Президенттик шайлоолордогу шайлоочулардын тизмеси боюнча өткөрүлгөн анализ жөнүндө айтып берди. Алсак, 2010-жылдын октябрында республика боюнча шайлоочулардын саны 3 036 703 түзгөн, 2011-жылдын октябрында - 3 034 084 түзгөн.
БШК мүчөсү андан ары, Кыргыз Республикасынын жарандары 20-октябрга чейин участкалык шайлоо комиссияларына келип арыздардын 3 формаларынын 1 боюнча арыз берип, өзүлөрүн шайлоочуларынын тизмесинде экендигин такташы керек экендигин түшүндүрдү. Булар: № 1 форма - шайлоочулардын тизмесине киргизүү жөнүндө, № 2 форма – шайлоо дареги жөнүндө;, № 3 форма – жеке маалыматтарга өзгөртүүлөрдү киргизүү жөнүндө.
Жыйынтыгында, ушул 3 форма боюнча 20-октябрга чейин № 1 форма боюнча -605, № 2 форма боюнча – 147 701, № 3 форма боюнча 18973 арыз, м.а. 273 279 арыз түшкөн. Бишкек ш. Биринчи май району боюнча келип түшкөн арыздар боюнча И.Кадырбеков, алар 20-октябрга чейин арыздарды бербегендигин түшүндүрдү.
БШК мүчөсү КР БШКда шайлоочуларды тизмеге киргизүү жана чыгаруу жөнүндө маалыматты четке какты. Анын сөзү боюнча республика боюнча участкалык комиссиялардын маалыматтарына паспорттук бардык дайындарды, өзгөртүүлөрдү киргизүү, секунддук тактыкта КР БШКнын маалыматтык шайлоо системасында белгиленет
И.Кадырбеков Жалал-Абал облусуна, Бишкек ш. Биринчи май районуна келип түшкөн жарандардын арыздарынын, билдирүүлөрдүн, паспорттордун көчүрмөлөрү менен журналисттерди айкын тааныштырды. Мисалы катары, ал Кыргыз Республикасынын жараны Ырсалиевдин фамилиясы шайлоочулардын тизмесинде Ысраилов болуп көрсөтүлүп калгандыгын ЖМКга көрсөттү.
И.Кадырбеков ошондой эле, Бишкек ш. Октябрь районунун 2ден ашык УШКсына 4499 адам 20-октябрга чейин шайлоочулардын тизмесинде киргизүү жөнүндө арыз беришкен.
Ал шайлоочулардын тизмеси боюнча бузуулар жөнүндө арыздар жана даттануулар, ошондой эле участкаларда көп жолу катталган адамдарга материалдар Кыргыз Республикасынын Башкы прокуратурасына текшерүү жана мыйзамда белгиленген тартипте чечим чыгаруу үчүн берилет деп кошумчалады.
Журналисттердин суроолоруна жооп берип жатып И.Кадырбеков Мамлекеттик каттоо кызматынын маалыматтарына ылайык Кыргыз Республикасында 2 миллион 400 миң адам ID-картага ээ экендигин айтты.
“Кыргызстанда 2,5 миң калктуу пункт бар. Шайлоочулардын тизмесин тактоо ошондой эле саны 6 миң кишиден турган мобилдик топтор аркылуу да жүргүзүлгөн”-деп, ал кошумчалады .
Сөзүнүн акырында КР БШК мүчөсү И.Кадырбеков Кыргыз Республикасынын Мамлекеттик каттоо кызматынын, Кыргыз Республикасынын социалдык фондунун, Кыргыз Республикасынын Улуттук статистикалык комитетинин, Кыргыз Республикасынын Борбордук шайлоо комиссиясынын шайлоочулардын эсебин алуунун бирдиктүү системасын түзүүдөгү чогуу аракеттеринин маанилүүлүгүн белгиледи.
Кыргыз Республикасынын Борбордук шайлоо комиссиясынын басма-сөз кызматы
