Жергиликтүү кеңештерине депутаттарды шайлоолордо саат 10-00гө карата 4 542 шайлоочу добуш берди, бул тизмеге кирген шайлоочулардын 9. 99% түзөт. 6 жергиликтүү кеңештерге шайлоолордун тизмесине бардыгы болуп 45 447 шайлоочу киргизилген.

Ушуну менен бирге, шайлоочулардын эң көп активдүүлүгү Кара-Суу районундагы Төлөйкөн айылдык кеңешине депутаттарды шайлоодо белгиленди, ал жерде саат 10.00гө шайлоочулардын 12.85% добуш беришти, Жалал-Абад облусунун Токтогул шаардык кеңешине 10.08 % шайлоочулар добуш беришти, ошондой эле Сузак районунун Көк-Арт айылдык кеңешинин депутаттарын шайлоого 10.95% шайлоочу катышты.

Шайлоочулардын активдүүлүгүнүн эң төмөнкү деңгээли Ат-Башы районунун Казыбек айылдык кеӊешинде катталды.

Мөөнөтүнөн мурда шайлоо өтүп жаткан Сокулук жана Кара-Жыгач айылдык кеӊешинде саат 10.00гө шайлоочулардын келүүсү 7.57% жана 4.9%ды түздү.
Кээ бир жергиликтүү кеңештерге депутаттарды шайлоого шайлоочулардын келүүсү жөнүндө кененирээк маалымат менен төмөнкү дарек боюнча тааныша аласыздар: http://ess.shailoo.gov.kg/ServiceJSP.do

Эскерте кетсек, бүгүн 2018-жылдын 13-майында 6 жергиликтүү кеңеште шайлоолор өтүп жатат: 1 шаардык жана 5 айылдык кеңештерде. Бардыгы болуп 126 депутат шайланат, анын ичинен 21 шаардык кеңештерге жана 105 айылдык кеңештерге. Добуш берүү 27 шайлоо участкаларында өтүп жатат.

КР БШКнын аппаратынын маалымат бөлүмү