Бириккен улуттар уюмунун өнүктүрүү программасынын Кыргыз Республикасындагы туруктуу өкүлүнүн орун басары Алиона Никулита БШКдагы жолугушууда билдиргендей, БУУӨП Кыргызстандагы шайлоо процессин өркүндөтүүгө колдоо көрсөтөт.
Ал билдиргендей, “БУУнун Өнүктүрүү Программасы БУУнун штаб-квартирасынын дарегине Кыргыз Республикасынан келип түшкөн суроо-талаптарга ылайык, кийинки консультациялардын негизинде, Кыргыз Республикасына, анын мамлекеттик ыйгарым укуктуу түзүмдөрүнө, ошондой бейөкмөт уюмдарга жана жарандарга ар кандай деңгээлдеги айкын, демократиялуу, таза жана жогорку эл аралык стандарттарга жооп берген шайлоолорду өткөрүүнү камсыз кылуу үчүн потенциалды жогорулатууга байланышкан бир катар багыттарда жардам көрсөтүү боюнча иштер жүргүзүлүп жатат. Бул иштер донорлор тарабынан колдонгон бир канча долбоорлордун алкагында жүргүзүлүп жатат”.
БУУӨП шайлоолор боюнча Кыргыз Республикасында үч долбоорду ишке ашырды: 2014-жылдан баштап “KESP II – Кыргыз Республикасындагы шайлоолорду колдоо” жана “2015-2017-жылдардагы шайлоо циклинин жүрүшүндө шайлоочуларды идентификациялоо процессин автоматташтыруу” долбоорлору, ошондой эле 2017-жылдан баштап “Электрондук өкмөт” системасын түзүү үчүн Калктын бирдиктүү мамлекеттик реестрин түзүү (ЕГРН) системасына колдоо көрсөтүү долбоору”. Бул долбоорлор 2015-2017-жылдардагы шайлоо циклинин алкагында өлкөдө шайлоолорду тынчтыкта өткөрүүгө көмөк көрсөтүүгө багытталган.
БУУӨП долбоорлорунун алкагында Кыргыз Республикасынын Өкмөтү жана Шайлоо жана референдум өткөрүү боюнча борбордук комиссиясы биометрикалык жана башка жабдууларды алды, ошондой эле БШКнын кызматкерлерин окутууга, жарандардын маалыматтуулугун жогорулатууга, шайлоолордун коопсуздугун камсыз кылуу боюнча иштерди жакшыртууга жана мыйзам бузууларды токтотууга багытталган дагы башка иш-чараларды өткөрүүгө колдоо алды. 2015-жылдагы парламенттик шайлоо жана 2016-жылдагы Конституциялык референдум учурунда бул долбоорлор улуттук жана эл аралык байкоочулар тарабынан ийгиликтүү деп таанылып, жогору бааланды.
БШКнын төрагасы эл аралык өнөктөшкө Кыргыз Республикасындагы шайлоо системасын реформасын ишке ашырууда көрсөтүлүп жаткан ар тараптуу колдоо үчүн ыракмат айтты.
Жолугушууда БШК менен БУУӨП ортосундагы ден соолугу боюнча мүмкүнчүлүгү чектелген жарандардын шайлоолордо катышуусуна шарттарды түзүү, диаспоралар, мигранттар уюмдары жана жаштар менен иш алып баруу тармагындагы кызматташтыктын мейкиндиктери жөнүндө маалымат берилди. Шайлоолор аралык мезгилде өткөрүлүүчү бир катар иш-чаралар макулдашылды.
Кыргыз тараптан суралган жарандык билим берүүнү өнүктүрүүдө кызматташуу – бул багыттардын бири болуп калат. Жарандык билим берүү борбору түрүндө институционалдашкан Жарандык билим берүүнүн негизги максаттары болуп, жарандык компетенттүүлүктү, демократиялык маданиятты, өлкөнүн саясий турмушунда конструктивдүү катышууну, Кыргызстан элдеринин бай мурастарына жана азыркы демократиялык принциптерге негизделген билим, ык жана жарандык баалуулуктар менен ориентирлер системасын адатка айландыруунун негизинде түзүү жана өнүктүрүү.
Бул борбор мамлекеттик органдардын жана коомдук уюмдардын жарандардын маалыматтуулугун жогорулатууга, демократияны жана укуктук мамлекетти бекемдөөгө багытталган бардык долбоорлору үчүн талкуу аянтчасы болуп калат.
Борбор ошондой эле эл аралык өнөктөштөр менен биргеликте ишке ашырылып жаткан реформалоо боюнча ар кандай долбоорлордун маалыматтык-түшүндүрүү жана билим берүү боюнча компонеттерин да аткара алат.
КР БШКнын аппаратынын маалыматтык бөлүмү
