2015-жылдын 4-октябрында Кыргызстанда Кыргыз Республикасынын Жогорку Кеӊешинин депутаттарын (парламентти) шайлоо болуп өттү.

Аталган шайлоо Кыргыз Республикасы Советтер Союзу таркагандан кийинки аймакта биринчилерден болуп жарандардын биометрикалык маалыматтарынын негизинде инновациялык технологияларды колдонуу менен шайлоо өткөрдү.

Жаӊы чакырылыштын депутаттарын шайлоого катышуу үчүн Кыргыз Республикасынын Борбордук шайлоо комиссиясы 14 саясий партиясын каттаган:

1. «Аалам-партияларгы кирбегендердин партиясы»
2. «Ар Намыс»
3. «Замандаш»
4. «Азаттык» демократиялык партиясы»
5. «Республика-АтаЖурт»
6. «Ата-Мекен»
7. «Кыргызстан социал-демократиялык партиясы»
8. «Өнүгүү-Прогресс»
9. «Кыргызстан элдеринин конгресси»
10. «Улуу Кыргызстан»
11. «Бүтүн Кыргызстан Эмгек»
12. «Бир Бол»
13. «МекенЫнтымагы»
14. «Кыргызстан» 

Шайлоо өткөрүү максатында Шайлоо жана референдум өткөрүү боюнча борбордук комиссиясы тарабынан 2 374 участок уюштурулган, алардын ичинен 36 – чет өлкөдө. Участкалар камсыздалган автоматтык эсептөөчү урналардын (АЭУ) жалпы саны 3 695 түздү, алардын ичинен Кыргызстандын аймагынын сыртындагы 26 участокто. Шайлоочулар тизмесине өзүнүн биометрикалык маалыматтарын тапшырган 2 761 297 адам кирген.

Шайлоону даярдоо жана өткөрүү жүрүшүн байкоо үчүн Борбордук шайлоо комиссиясы тарабынан Шайлоо органдар Ассоциацияларына, чет өлкөлүк шайлоо комиссияларына, ошондой эле эл аралык уюмдарга чакыруулар жөнөтүлгөн.

Келген байкоочулардын кеӊири географиясы бардык күтүүлөрдү ашып түштү. Жакынкы чет өлкөлөрдүн жана КМШ мейкиндигинин салттуу байкоочулары менен катар биринчи жолу Кыргыз Республикасына экзотикалык өлкөлөр деп саналган Перу, Кения, Бутан, Камбоджа, Эквадор, Малайзия, Парагвай, ТАР сыяктуу өлкөлөрдү байкоочулары дагы катышты. Кыргыз Республикасынын Шайлоо жана референдум өткөрүү боюнча борбордук комиссиясынан жалпы жонунан Кыргыз Республикасынын Жогорку Кеӊешине шайлоону өткөрүүдө эл аралык байкоочу катары катышуу үчүн дүйнөнүн 69 өлкөсүнөн 40 эл аралык уюмдан 613 эл аралык байкоочу аккредитациядан өткөрүлгөн.

Шайлоонун жыйынтыктары боюнча, Боршайком байкоолордун жыйынтыгы боюнча пресса алдында арыздары менен чыгуу ниетин билдирген шайлоого даярдануу жана өткөрүүгө байкоо жүргүзүү Миссияларына эркин мүмкүнчүлүктөрдү түзүп берди.

Кыргыз Республикасынын Жогорку Кеӊешинин депутаттарын шайлоо жалпысынан ийгиликтүү, Кыргыз Республикасынын Мыйзамдарына ылайык тынч абалда өттү деп бир добуштан эл аралык байкоочулар белгилешти, ошондой эле байкоочулар шайлоонун даярдыгынын уюшкандык менен жакшы өткөндүгүнө басым коюп, шайлоо комиссияларынын компетенттүүлүгүн жана уюшкандыгын баса белгилешти. Ошондой эле Кыргыз Республикасынын ушунчалык кыска мөөнөттүн ичинде шайлоо процессин жакшыртуу маселелерин жогорку көрсөткүчкө жеткире алгандыгын суктануу менен белгилеп жатышты.

“Шайлоо процессинде инновациялык технологияларды пайдалануу – бул мезгилдин талабы жана суроосу. Келечекте, мен ойлойм, көп өлкөлөр да буга келиши керек”, – деп белгиледи КР БШК төрагасы Т. Абдраимов.

Бүгүнкү күндө Кыргыз Республикасынын Борбордук шайлоо комиссиясынын дарегине шайлоого катышууга, ошондой эле Кыргыз Республикасынын БШКсы жашоого киргизген шайлоо процессиндеги жаӊычылдык менен таанышууга мүмкүндүк бергендиги үчүн ыраазычылыгын билдирген эл аралык уюмдардан бир катар каттар келип түшүүдө.