Бүгүн, 7-октябрда Кыргыз Республикасынын Шайлоо жана референдум өткөрүү боюнча борбордук комиссиясынын жыйыны өттү, анын ченемдеринде БШК мүчөлөрү тарабынан Жогорку Кеӊешинин депутаттарын шайлоону өткөрүүдө келип түшкөн даттануулар жана арыздар талкууланды.
3-6-октябрь ичинде БШК 31 даттануу жана арызды кабыл алды, алардын ичинен 6 сотто каралды, 4 боюнча – арыздарды канааттандыруудан баш тартылды жана 2 азыркы учурга каралбай калтырылган.
Шайлоо мыйзамдарынын бузулушуна карай арыздар жана даттануулар төмөндөгүдөй укук бузуулардын түрлөрүнө топтоштурулду: добуш берүүчү жайдан тышкары добуш берүү мүмкүнчүлүгү тууралуу арыздарда колдор коюлган эмес, саясий партиялардын байкоочуларын каттоодон баш тартылган, шайлоочулардын шайлоочулар тизмесинен чыкпай калышы, шайлоо участкаларында үгүт иштерин жүргүзүү, шайлоо участкаларына шайлоочуларды ташып келүү, добуштарды сатып алуу, идентификациялоодо техникалык каражаттардын бузулушунун айынан шайлоочуларга добуш берүүгө уруксат бербөө жана идентификациядан кийин чектерди бербей коюу.
Айрым арыздар башка мамлекеттик органдарынын компетенциясына киргендигине байланыштуу тийиштүү даттанууларды Мамлекеттик каттоо кызматына жана Ички иштер министрлигине жөнөтүү чечими кабыл алынган..
“Республика –Ата Журт”, “Ар-Намыс” партияларынан келген арыздарына жана “Таза Шайлоо” ассоциациясынын кайрылуусуна Борбордук шайлоо комиссиясы мыйзамдарда белгиленген мөөнөттүн ичинде жооп берет. Калган бардык арыздар, даттануулар жана кайрылууларга БШК мүчөлөрү расмий түрдө жооп берүү үчүн негиздемелер долбоорун бекитти.
КР БШК Басма сөз кызматы
