Борбордук шайлоо комиссиясы Ош, Кара-Суу, Аламүдүн, Жайыл, Тон, Ак-Суу, Түп, Ат-Башы, Сузак жана Токтогул аймактык шайлоо комиссияларынын жергиликтүү кеңештердин айрым депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды Кыргыз Республикасынын жергиликтүү кеңештерине депутаттыкка талапкерлерге өткөрүп берүү тууралуу чечимдерин бекитти.

Жети айылдык жана бир шаардык кеңештин жети депутаты өз каалоосу менен ыйгарым укуктарын мөөнөтүнөн мурда токтотушту.

Ош шаардык кеңешинин депутаты Жоошбаева Роза Каныбековна («Улуттар Биримдиги» фракциясы) өз арызынын негизинде ыйгарым укуктарын токтотту. Анын мандаты Карабаева Малохатхон Тахировнага («Улуттар Биримдиги» партиясынан) берилди.

Аламүдүн районунун Арашан айылдык кеңешинин №2 округунун депутаты Болгонбаев Самат Таалайбекович өз арызы менен ыйгарым укуктарын токтотту. Анын ордуна Кулалиев Азизбек Казыбекович келди.

Кара-Суу районунун Мадын айылдык кеңешинин №4 (Каарман) округунун депутаты Азизов Асилбек Бурканбекович каза болгондугуна байланыштуу ыйгарым укуктары токтотулду. Анын ордуна Арап уулу Талантбек келди.

Жайыл районунун Жайыл айылдык кеңешинин №3 (Алексеевка) округунун депутаты Кожокеева Диана Нурлановна өз арызынын негизинде мандатын тапшырды.

Тон районунун Торт-Көл айылдык кеңешинин №3 (Темир-Канат) округунун депутаты Намазов Кубанычбек Айтбекович өз арызы менен мандаттан баш тартты. Анын мандаты Зарылбек уулу Нурсултанга берилди.

Ак-Суу районунун Эңилчек айылдык кеңешинин №1 (Эңилчек) округунун депутаты Орозгазы уулу Жайдарбек мандатын тапшырды. Бирок талапкерлер калган эмес болгондуктан, мандат кийинки шайлоого чейин бош бойдон калат.

Ат-Башы районунун Ат-Башы айылдык кеңешинин №5 (Чеч-Дөбө, Көк-Жар) округунун депутаты Мелис уулу Улукбек мандатын өз ыктыяры менен тапшырды. Анын ордуна Ыдырысов Турат Сейдибакасович келди.

Сузак районунун Кара-Алма айылдык кеңешинин №1 округунун депутаты Жапаров Абдижалил Абдимиталипович өз арызы менен ыйгарым укуктарын токтотту.

Ошондой эле, Аламүдүн жана Ат-Башы аймактык шайлоо комиссиялары төмөнкү 2 талапкерди катталган талапкерлер тизмесинен алардын жеке арызынын негизинде чыгаруу чечимин кабыл алышты:

Аламүдүн району, Арашан айылдык кеңешинин №2 округу – Бектенов Азамат Бектенович;

Ат-Башы району, Ат-Башы айылдык кеңешинин №5 округу (Чеч-Дөбө, Көк-Жар) – Абдыкеримов Ислам Тилекович.