2024-жылдын 21-февралында Талас облусунун Талас районунун жаңыдан түзүлгөн Шумкар-Уя айыл аймагынын кеңешинин уюштуруу сессиясы болуп өттү.

Жалпы 10 768 адам жашаган Шумкар-Уя  айыл аймагы Бекмолдо жана Осмонкулов айыл аймактарын бириктирүү менен түзүлгөн.

Шумкар-Уя айылдык кеңешинде биригүүнүн натыйжасында депутаттардын саны 32 депутатты түздү: Бекмолдо кеңешинин 21, Осмонкулов кеңешинен 11 депутат.

Шумкар-Уя айыл аймагынын кеңешинин сессиясын жашы боюнча эң улуу депутат Нураков Улан Шамшиевич ачып, төрагалык кылды.

Бекмолдо жана Осмонкулов айыл аймактарынын учурдагы төрагаларынын  ичинен Джумаев Азамат Казакович жана Осмонов Стамбек Аттокуровичтердин ортосунда шайлоо болуп өттү.

Сессияга бириккен Шумкар-Уя айыл аймагынын 30 депутаттары катышты.

Ачык добуш берүүнүн жыйынтыгы менен 17 добуш алып, Джумаев Азамат Казакович  бириккен Шумкар-Уя  айылдык кеңешинин төрагасы болуп шайланды.

Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү