2024-жылдын 20-февралында Талас облусунун Бакай-Ата районунун жаңыдан түзүлгөн Акназаров айыл аймагынын кеңешинин уюштуруу сессиясы болуп өттү.

Жалпы 12 214 адам жашаган Акназаров айыл аймагы Шадыкан  жана Акназаров айыл аймактарын бириктирүү менен түзүлгөн.

Акназаров айылдык кеңешинде биригүүнүн натыйжасында депутаттардын саны 32 депутатты түздү: Шадыкан кеңешинин 11 депутаты жана Акназаров кеңешинин 21 депутаты.

Акназаров айыл аймагынын кеңешинин сессиясын жашы боюнча эң улуу Чоюбеков Мамбеткул Асанович депутат ачып, төрагалык кылды.

Шадыкан жана Акназаров айыл аймактарынын учурдагы төрагаларынын Назаралиев Абжалбек Токтосунович жана Жорготаев Капар Орозбекович ичинен шайлоо болуп өттү.

Сессияга бириккен Акназаров айыл аймагынын 32 депутаты катышты.

Ачык добуш берүүнүн жыйынтыгы менен 32 добуш алып, Жорготаев Капар Орозбекович бириккен Акназаров айылдык кеңешинин төрагасы болуп шайланды.

Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү