2024-жылдын 20-февралында Баткен облусунун Кадамжай районунун жаңыдан түзүлгөн Үч-Коргон айыл аймагынын кеңешинин уюштуруу сессиясы болуп өттү.

Жалпы 31811 адам жашаган Үч-Коргон  айыл аймагы Үч-Коргон жана Чаувай  айыл аймактарын бириктирүү менен түзүлгөн.

Үч-Коргон айылдык кеңешинде биригүүнүн натыйжасында депутаттардын саны 36 депутатты түздү: Үч-Коргон кеңешинин  25 депутаты жана  Чаувай  кеңешинин 11 депутаты.

Үч-Коргон айыл аймагынын кеңешинин сессиясын жашы боюнча эң улуу депутаты  Абдураимова Холисхон Разыковна  ачып, төрагалык кылды.

Үч-Коргон жана Чаувай айыл аймактарынын учурдагы төрагаларынын ичинен  Юрсунов Бактиёр   жана  Юсупов Азимбек Садыкович  ортосунда шайлоо болуп өттү.

Сессияга бириккен  Үч-Коргон  айыл аймагынын 36 депутаты  катышты.

Ачык добуш берүүнүн жыйынтыгы менен 17 добуш алып, Юрсунов Бактиёр Юрсунович  бириккен Үч-Коргон айылдык кеңешинин төрагасы болуп шайланды.

         Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү