Жогорку Кеңештин депутатын кайра шайлоону даярдоо жана ѳткѳрүү алкагында жана майыптыгы бар адамдардын шайлоо укуктарын жүзѳгѳ ашыруу, добуш берүү үчүн орун-жайларга жетүүнү камсыз кылуу, аларды атайын жардам берүүчү каражаттар менен жабдуу үчүн шарттарды камсыз кылуу максатында № 26 Ленин бир мандаттуу шайлоо округунун ар бир участкасы боюнча керектѳѳ картасы түзүлгѳн.

БШКнын тѳрагасынын орун басары Н. Койчукеев билдиргендей, керектѳѳ картасына ылайык № 26 Ленин бир мандаттуу шайлоо округу боюнча майыптыгы барн жарандардын жалпы саны 1117 адамды, же болбосо шайлоочулардын контролдук тизмесине киргизилген 127 239 шайлоочунун санынын 0,9 % түзгѳн. Майыптыгы бар ар бир жарандын шайлоо укуктарын жүзѳгѳ ашыруу үчүн шарттарды камсыз кылуу максатында алардын жашаган дареги, майыптыгынын түрү жана тобу такталган.

51 шайлоо участкаларынын ичинен 476 уачсткага пандус коюлган, 4 шайлоо участкасына пандусту орнотуунун зарылдыгы жок. Ошентип № 26 Ленин бир мандаттуу шайлоо округу боюнча шайлоо участкаларынын 92,2 % пандустар менен камсыз кылынган.

Мындан тышкары, орун-жайдан тышкары добуш берүү мүмкүнчүлүгүн берүү жѳнүндѳ арыз менен 113 адам кайрылган, алардын ичинен 2023-жылдын 9-сентябрында майыптыгы бар бардык 19 шайлоочу (16,8%) добуш беришкен.

Ошондой эле БШКнын шайлоочулардын жана шайлоо процессинин башка катышуучуларынын арыздарын жана даттанууларын кароо, маалымдоо жана үгүт эрежелери маселелери боюнча жумушчу топко 8 арыз келип түшкѳн.

Келип түшкѳн арыздардын, кайрылуулардын мүнѳздѳрү:

- мүмкүн шайлоочулардын добуштарын сатып алуу жѳнүндѳ -1;

- шайлоо алдындагы үгүт жүргүзүүт шарттарын бузуу, анын ичинде талапкердин ар-намысын, кадыр баркын жана иштиктүү аброюн булгаган жарыяланмалар боюнча – 5;

- талапкерлерди каттоо боюнча – 2.

БШК/АШК/УШК тарабынан кабыл алынган чаралар:

- айып пул салуу – 2;

- мѳѳнѳтүнѳн мурда үгүт жүргүзгѳндүгү үчүн талапкерге жазуу жүзүндѳ эскертүү берүү - 1;

- кайрылуулар боюнча талаптарды канаатандыруудан баш тартуу тууралуу чечим чыгаруу -2;

- жумушчу топтун кароосунда – 2.