Балыкчы шаарындагы шайлоонун жыйынтыгы менен мандаттарды бөлүштүрүү тууралуу “Ишеним” саясий партиясынан талапкер

Т.З. Кожобековтун арызы жөнүндө

2024-жылдын 22-ноябрында Кыргыз Республикасынын Шайлоо жана референдум өткөрүү боюнча борбордук комиссиясына (мындан ары - БШК) Балыкчы шаардык кеңешине “Ишеним” саясий партиясынан талапкер Кожобеков Толкунбек Зарлыковичтен арыз келип түшкөн.

Арыз ээси өз арызында депутаттык мандаттарды бөлүштүрүү боюнча Балыкчы аймактык шайлоо комиссиясынын протоколуна макул эместигин көрсөткөн.

2024-жылдын 23-ноябрында арызды объективдүү жана ар тараптуу кароо максатында арыздарды жана даттанууларды кароо, шайлоочуларды жана шайлоо процессинин башка субъектилерин маалымдоо маселелери жана үгүт эрежелери боюнча жумушчу топтун (мындан ары – Жумушчу топ) отуруму болуп, ага Балыкчы шаарынын аймактык шайлоо комиссиясынын төрагасы - М.Т. Кыдыралиев жана арыз берүүчү видеоконференция аркылуу - Т.З. Кожобеков катышып, маалыматтары угулду.

Арыз ээсинин айтымында, “Ишеним” саясий партиясы мандат бөлүштүрүүдө 3 мандат алышы керек болчу, бирок жыйынтыгында 2 мандат алган.

Т.З. Кожобеков мандаттарды бөлүштүрүүдө жараксыз бюллетендер жана жалпы шайлоочулардын 5 пайызынан аз добушун алган саясий партиялардын шайлоочуларынын добуштары эсепке алынбаганын билдирди.

2024-жылдын 24-ноябрында Кыргыз Республикасынын Борбордук шайлоо комиссиясы арызды жана ага келип түшкөн материалдарды карап чыгып, төмөнкүлөрдү аныктады.

Балыкчы шаарынын аймактык шайлоо комиссиясынын депутаттык мандаттарды бөлүштүрүү боюнча протоколуна ылайык, “Ишеним” саясий партиясы 7 депутаттык мандат алды.

 “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын (мындан ары - Мыйзам) 561-беренесинин 2-3-бөлүктөрүнө ылайык:

“2. Шайлоо округу боюнча депутаттык мандаттарды бөлүштүрүүгө ушул бөлүктүн экинчи-бешинчи абзацтарында каралган талапкерлердин тизмесин көрсөткөн саясий партиялар киргизилет.

Талапкерлеринин тизмеси үчүн добуш берүүгө катышкан шайлоочулардын добуштарынын 5 жана андан көп пайызы берилген саясий партиялар депутаттык мандаттарды алышат, алардын саны ушул берененин 3-бөлүгүндө каралган тартипте аныкталат.

3. Тиешелүү аймактык шайлоо комиссиясы добуш берүүгө катышкан шайлоочулардын добуштарынын 5 жана андан көп пайызын алган саясий партиялардын талапкерлеринин тизмелери үчүн бирдиктүү шайлоо округу боюнча берилген, же болбосо ушул берененин 2-бөлүгүнүн үчүнчү - бешинчи абзацтарында каралган учурларда шайлоочулардын добуштарынын суммасын эсептеп чыгат. добуш берүүгө катышкан шайлоочулардын добуштарынын алынган суммасы бирдиктүү шайлоо округу боюнча бөлүштүрүлүүчү депутаттык мандаттардын санына бөлүнөт, алынган натыйжа биринчи жеке шайлоо укугу (бир мандатты алуу үчүн квота) болот.

Андан кийин депутаттык мандаттарды бөлүштүрүүгө катышкан талапкерлердин ар бир тизмеси алган добуштардын саны биринчи жеке шайлоого бөлүнөт. Санды бөлүүнүн натыйжасында алынган бүтүн бөлүк тиешелүү талапкерлердин тизмеси алган депутаттык мандаттардын саны болот.

Эгерде ушул бөлүктүн экинчи абзацына ылайык жүргүзүлгөн аракеттерден кийин бөлүштүрүлбөгөн мандаттар калса, аларды экинчи жолу бөлүштүрүү жүргүзүлөт. Бөлүштүрүлбөгөн мандаттар ушул бөлүктүн экинчи абзацына ылайык бөлүштүрүүнүн натыйжасында алынган сандын эн көп бөлчөк бөлүгүн (калдыгын) алган талапкерлердин тизмелерине бирден берилет. Бөлчөк бөлүктөр тең болгондо шайлоочулардын добуштарынын көбүн алган талапкерлердин тизмесине артыкчылык берилет. Шайлоочулардын добуштарынын саны тең болгондо, артыкчылык мурда катталган талапкерлердин тизмесине берилет.

Ушуга байланыштуу Борбордук шайлоо комиссиясы арызды
ар-тараптуу карап чыгып, Мыйзамда депутаттык мандаттарды бөлүштүрүү тартиби так аныкталгандыгын, анда жараксыз шайлоо бюллетендерин жана
5 пайыздан аз добуш алган саясий партиялардын шайлоочуларынын добуштарын эсептөөдө кошуп саноо каралбаганын белгилейт.

Жогоруда баяндалгандардын негизинде,  «Жергиликтүү кеңештердин депутаттарды шайлоо жөнүндө» Кыргыз Республикасынын Мыйзамынын 42-беренесине ылайык, Борбордук шайлоо комиссиясынын 2017-жылдын 7-июлундагы № 212-токтому менен бекитилген “Кыргыз Республикасында шайлоону жана референдумдарды өткөрүүдө шайлоочулардын жана шайлоо процессинин башка субъекттеринин (катышуучуларынын) арыздарын (даттанууларын) шайлоо комиссияларынын кароосунун тартиби жөнүндө” жобону жетекчиликке алып,

Кыргыз Республикасынын Шайлоо жана референдум өткөрүү боюнча борбордук комиссиясы

ЧЕЧИМ КЫЛАТ:

1. Т.З. Кожобековдун 2024-жылдын 22-ноябрындагы арызынын талаптарын канааттандыруудан баш тартылсын.

3. Ушул чечим Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

4. Ушул чечимдин аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын мүчөсү, Кыргыз Республикасынын Шайлоо жана референдум өткөрүү боюнча борбордук комиссиясынын шайлоочулардын жана шайлоо процессинин башка катышуучуларынын арыздарын жана даттанууларын кароо, маалымдоо маселелери жана үгүт эрежелери боюнча жумушчу тобунун жетекчиси У.К. Жылкыбаевге жүктөлсүн.

ТӨРАГА                                                                   Н. ШАЙЛДАБЕКОВА

Бишкек ш., 2024-жылдын 25-ноябры

№318