Кыргыз Республикасынын Шайлоо жана референдум өткөрүү боюнча борбордук комиссиясынын 2016-жылдын 11-октябрындагы № 154 токтому менен бекитилген

Жергиликтүү кеңештердин депутаттарын шайлоону өткөрүүдө талапкердин, саясий партиянын шайлоо фондунун акча каражаттарын түзүүнүн, алардын келип түшүшүн жана чыгымдалышын эсепке алуунун тартиби жөнүндө

ЖОБО

(КР БШКнын 2020-жылдын 22-январындагы № 10, 2020-жылдын
12-мартындагы  № 75, 2022-жылдын 8-февралындагы № 9, 2024-жылдын 16-сентябрындагы № 119  токтомдорунун редакциясында)

 Ушул Жобо талапкерлердин, саясий партиялардын атайын эсептерин ачуунун, жүргүзүүнүн, жергиликтүү кеңештердин депутаттарын шайлоону өткөрүүдө талапкерлердин, саясий партиялардын шайлоо фонддорунун каражаттары боюнча эсепке алуунун жана отчеттуулугунун тартибин жөнгө салат.

(КР БШКнын 2020-жылдын 22-январындагы № 10, 2022-жылдын 8-февралындагы № 9  токтомдорунун редакциясында)

1. Жалпы жоболор

1.1. Жарандар айылдык кеңештерге өзүн өзү көрсөткөн учурдан тартып жана саясий партиялар ыйгарым укуктуу өкүлү аркылуу шайлоо кампаниясын финансылоо үчүн шайлоо фонддорун түзө алышат.

Өздөрүн көрсөткөн талапкерлерге, айылдык кеңештердин депутаттыгына талапкерлерди көрсөткөн саясий партияларга шайлоо фондун түзбөгөн учурда акча каражаттарын жумуштарга жана кызмат көрсөтүүлөргө акы төлөө, шайлоо алдындагы үгүт иштерин жүргүзүү, башка шайлоо иш-чараларын жүзөгө ашыруу үчүн пайдаланууга тыюу салынат.

Шаардык кеңешке талапкерлердин тизмесин көрсөткөн саясий партия өзүнүн шайлоо компаниясын финансылоо үчүн саясий партиянын финансы маселелери боюнча ыйгарым укуктуу өкүлүн шайлоо комиссиясы каттагандан кийин 5 календардык күндүн ичинде шайлоо фондун түзөт. Талапкерлер өзүн өзү көрсөткөн учурдан, саясий партиялар айылдык кеңештин депутаттыгына талапкерлерди көрсөткөн учурдан тартып жеке өзү же болбосо шайлоо компаниясын финанылоо үчүн шайлоо фонддорун ыйгарым укуктуу өкүлү аркылуу түзүшөт.

Саясий партиялар тарабынан шаардык кеңештерге көрсөтүлгөн талапкерлер өздөрүнүн жеке шайлоо фонддорун түзүүгө укуксуз.

(КР БШКнын 2020-жылдын 22-январындагы № 10, 2024-жылды 16-сентябрындагы № 119 токтомдорунун редакциясында)

1.2. Жергиликтүү кеңештердин депутаттарын шайлоодо шайлоо фондун түзүүчү бардык акча каражаттары банк мекемесиндеги атайын  эсепке чегерилет. Бул эсеп тиешелүү аймактык шайлоо комиссиясынын уруксааты менен талапкер, саясий партия тарабынан ачылат.

(КР БШКнын 2022-жылдын 8-февралындагы № 9  токтомунун редакциясында)

1.3. Талапкерлер же талапкерлердин тизмеси катталган учурда талапкерлер,  талапкерлерди көрсөткөн саясий партиялар, ошондой эле талапкерлердин тизмесин көрсөткөн саясий партиялар шайлоо алдындагы үгүттөрдү финансылоо үчүн жеке шайлоо фонддорунун ачык эсептерин жүргүзүүнү уланта беришет. Талапкерди, талапкерлердин тизмесин каттоодон расмий баш тартылган учурда, шайлоо фондуна келип түшкөн каражаттар кайрымдуулуктарды  жана которууларды жүзөгө ашырган уюмдарга жана адамдарга кайтарылып берилет.

1.4. Талапкердин, саясий партиянын шайлоо фонду төмөндөгү каражаттардын эсебинен түзүлүшү мүмкүн:

1) талапкердин, саясий партиянын өздүк каражаттарынан;

2) ушул Жобонун 3-бөлүмүндө саналган жактарды кошпогондо, жарандардын жана юридикалык жактардын ыктыярдуу кайрымдуулуктарынан.

(КР БШКнын 2022-жылдын 8-февралындагы № 9 токтомунун редакциясында)

1.5. Шайлоо фонддорунун каражаттарын тескөө укугу аларды түзүшкөн талапкерлерге, саясий партияларга жана  алардын ыйгарым укуктуу өкүлдөрүнө таандык.

(КР БШКнын 2020-жылдын 22-январындагы № 10 токтомунун редакциясында)

1.6. Жергиликтүү кеңештердин депутаттарын шайлоону өткөрүүдө талапкерлердин, саясий партиялардын атайын эсептерин ачуу, жүргүзүү, талапкерлердин, саясий партиялардын шайлоо фонддорунун каражаттары боюнча эсепке алуу жана отчеттуулугу үчүн банк  мекемелеринин тизмеги банк мекемелери менен макулдашуу боюнча Борбордук шайлоо комиссиясы тарабынан белгиленет.

(КР БШКнын 2020-жылдын 22-январындагы № 10, 2022-жылдын
8-февралындагы № 9  токтомдорунун редакциясында)

1.7. Бардык акча каражаттары шайлоо фондунун эсебине улуттук валютада чегерилет. Чет өлкөлүк валютада которууга тыюу салынат. Бул эсептер боюнча үстөк пайыздар чегерилбейт жана төлөнүп берилбейт.

1.8. Шайлоо фондунун каражаттары максаттуу арналышка ээ жана шайлоо өнөктүгүн өткөрүүгө байланышкан чыгымдарды жабууга гана пайдаланылышы мүмкүн.

1.9. Талапкердин, саясий партиялардын шайлоо фонддорунун каражаттарын түзүүнүн жана чыгымдоонун тартибин контролдоону шайлоо комиссиялары жүзөгө ашырат.

(КР БШКнын 2022-жылдын 8-февралындагы № 9 токтомунун редакциясында)

2. Шайлоо фонддорун түзүү

2.1. Шаардык кеңешке талапкерлердин тизмесин көрсөткөн саясий партия өзүнүн шайлоо өнөктүгүн финансылоо үчүн саясий партиянын финансы маселелери боюнча ыйгарым укуктуу өкүлүн шайлоо комиссиясы каттагандан кийин 5 календардык күндүн ичинде шайлоо фондун түзөт.

Талапкерлер өзүн өзү көрсөткөн учурдан тартып жеке өзү, же болбосо финансы маселелери боюнча ыйгарым укуктуу өкүл аркылуу, саясий партиялар айылдык кеңештерге талапкерлерди көрсөткөн учурдан тартып каттоо үчүн документтерди бергенге чейин финансы маселелери боюнча ыйгарым укуктуу өкүл аркылуу шайлоо компаниясын финансылоо үчүн шайлоо фонддорун түзүшөт.

Талапкер же талапкерлердин тизмеси катталган учурда, талапкерлер, талапкерлерди көрсөткөн саясий партиялар, ошондой эле талапкерлердин тизмесин көрсөткөн саясий партиялар шайлоо өнөктүгүн финансылоо үчүн шайлоо фонддорунун ачык эсептерин жүргүзүүнү улантышат.

(КР БШКнын 2020-жылдын 22-январындагы № 10, 2022-жылдын 8-февралындагы № 9  токтомдорунун редакциясында)

2.2. Талапкерлердин, саясий партиялардын шайлоо фонддоруна келип түшкөн акча каражаттары шайлоо дайындалган күнгө Кыргыз Республикасынын мыйзамында белгиленген эсептөө көрсөткүчүнөн эсептелет. Белгиленген көлөмдөн ашыкча келип түшкөн акча каражаттары шайлоо фондуна чегерилүүгө жатпайт жана жарандарга жана уюмдарга кайтарылып берилет. Мында көрсөтүлгөн каражаттарды кайтарып берүү менен байланышкан чыгымдар аларды берген жарандардын жана уюмдардын эсебинен жабылат.  

(КР БШКнын 2022-жылдын 8-февралындагы № 9,  2024-жылдын 16-сентябрындагы № 119 токтомдорунун редакциясында)

2.3. Талапкер өз талапкерлигин алып салган, саясий партия өзүлөрүнүн талапкерлерин чакырып алган, саясий партия талапкерлердин тизмесин чакырып алган же талапкерди, талапкерлердин тизмесин  каттоо жокко чыгарылган (алып салынган) учурда шайлоо фондуна келип түшкөн акча каражаттары аларды берген жарандарга жана уюмдарга токтоосуз кайтарылып берилүүгө жатат.  

(КР БШКнын 2022-жылдын 8-февралындагы № 9  токтомунун редакциясында)

2.4. Шайлоо фонддору төмөндөгү акча каражаттарынын эсебинен түзүлүшү мүмкүн:

1) Бишкек, Ош шаардык кеңештеринин депутаттарын шайлоодо төмөндөгү акча каражаттарынан эсебинен:

- талапкерлердин тизмесине киргизилген талапкердин өздүк каражаттарынан, алардын өлчөмү эсептик көрсөткүчтөн 1000 эседен (100000 сом) ашпоого тийиш;

- саясий партиянын өздүк каражаттарынан, алардын өлчөмү эсептик көрсөткүчтөн 5000 эседен (500000 сом) ашпоого тийиш;

- жеке жактардын кайрымдуулуктарынан, алардын өлчөмү эсептик көрсөткүчтөн 1000 эседен (100000 сом) ашпоого тийиш;

- юридикалык жактардын кайрымдуулуктарынан, алардын өлчөмү эсептик көрсөткүчтөн 3000 эседен (300000 сом) ашпоого тийиш.

Саясий партиянын шайлоо фондунун каражаттарынын эсебинен чыгымдарынын чектелген суммасы эсептик көрсөткүчтөн 150000 эседен (15000000 сом) ашпоого тийиш.

2) Шаардык кеңештин депутаттарын шайлоодо (Бишкек жана Ош шаарын алып салганда) төмөндөгү акчалай каражаттарынан:

- талапкерлердин тизмесине киргизилген талапкердин өздүк каражаттары, алардын өлчөмү эсептик көрсөткүчтөн 500 эседен (50000 сом) ашпоого тийиш;

- саясий партиянын өздүк каражаттары, алардын өлчөмү эсептик көрсөткүчтөн 5000 эседен (500000 сом) ашпоого тийиш;

- жеке адамдардын кайрымдуулуктары, өлчөмү эсептик көрсөткүчтөн 1000 эседен (100000) ашпоого тийиш;

- юридикалык жактардын кайрымдуулуктары, алардын өлчөмү эсептик көрсөткүчтөн 2000 эседен (200000) ашпоого тийиш.

Саясий партиянын шайлоо фондунун каражаттарынын эсебинен чыгымдарынын чектелген суммасы эсептик көрсөткүчтөн 50000 эседен (5000000 сом) ашпоого тийиш.

3) Айылдык кеңештердин депутаттарын шайлоодо төмөндөгү акча каражаттарынан:

- талапкердин өздүк каражаты, ал эсептик көрсөткүчтөн 500 эседен (50000 сом) ашпоого тийиш;

- саясий партия бөлүп берген каражаттар, ал эсептик көрсөткүчтөн 1000 (100000 сом) эседен ашпоого тийиш;

- жеке жактардын кайрымдуулуктары, алардын ар биринин өлчөмү эсептик көрсөткүчтөн 500 эседен (50000 сом) ашпоого тийиш;

- юридикалык жактардын кайрымдуулуктары, алардын ар биринин  өлчөмү эсептик көрсөткүчтөн 500 эседен (50000 сом) ашпоого тийиш.

Шайлоо фондунун каражаттарынын эсебинен талапкердин, анын ичинде саясий партиядан талапкердин чыгымдарынын чектелген сумманын өлчөмү эсептик көрсөткүчтөн 5000 эседен (500000 сом) ашпоого тийиш.

2.5. Талапкердин, саясий партиянын шайлоо фондунун атайын эсебине  өзүнүн акча каражаттарын акысыз кошуу  ыктыярдуу кайрымдуулук  болуп таанылат.

(КР БШКнын 2022-жылдын 8-февралындагы № 9  токтомунун редакциясында)

3. Шайлоо фонддоруна кайрымдуулуктарга тыюу салуулар

3.1. Шайлоо фондуна төмөнкү ыктыярдуу кайрымдуулуктарга жол берилбейт:

- чет өлкөлүк мамлекеттердин, чет өлкөлүк мамлекеттик органдардын, мекемелердин жана ишканалардын, башка чет өлкөлүк юридикалык жактардын, алардын филиалдарынын жана өкүлчүлүктөрүнүн, чет өлкөлүк жарандардын, эл аралык уюмдардын, чет өлкөлүк жарандар жана юридикалык жактар катышуучу болуп саналган, Кыргыз Республикасында катталган юридикалык жактардын;;

- жарандыгы жок адамдардын;

- мамлекеттик бийлик органдарынын жана жергиликтүү өз алдынча башкаруу органдарынын;

- мамлекеттик жана муниципалдык мекемелердин жана ишканалардын;

- уставдык капиталында мамлекеттик же муниципалдык үлүшү бар, ошондой эле салыктар, жыйымдар жана башка милдеттүү төлөмдөр боюнча жеңилдиктерден пайдаланган юридикалык жактардын;

- аскер бөлүктөрүнүн, аскердик мекемелердин жана уюмдардын;

- укук коргоо органдарынын, соттордун;

- кайрымдуулук иши менен алектенген уюмдардын;

- диний уюмдардын;

- атын атабаган кайрымдуулуктардын.

Атын атабаган кайрымдуулук деп төмөнкү жаран түшүнүлөт, эгерде ал төмөнкү маалыматтардын кайсынысын болбосун көрсөтпөй койсо: фамилиясын, атын, атасынын атын, жашаган жеринин дарегин, паспорттук маалыматтарын, ошондой эле ал тарабынан өзү жөнүндө анык эмес маалыматтар көрсөтүлсө.

(КР БШКнын 2020-жылдын 22-январындагы № 10 токтомунун редакциясында)

3.2. Шайлоо фондуна мамлекеттик бюджеттин же Кыргыз Республикасынын Социалдык фондунун алдында карызы бар юридикалык жактардын, юридикалык жакты түзбөстөн ишкердикти жүзөгө ашыруучу жеке жактардын акча каражаттарын кошууларына тыюу салынат. Көрсөтүлгөн юридикалык жана жеке жактар шайлоо фондуна акча каражаттарын которгон учурда талапкер, саясий партия жоопкерчилик тартпайт. Эгерде талапкердин, саясий партиянын шайлоо фондуна жогоруда көрсөтүлгөн жеке жана юридикалык жактар которгон акча каражаттары келип түшкөн учурда, соттун чечими боюнча банк мекемелери, бул каражаттарды Борбордук шайлоо комиссиясынын атайын фондуна которууга милдеттүү, ал өз кезегинде бул каражаттарды мамлекеттик бюджетке же Кыргыз Республикасынын Социалдык фондуна которот.

(КР БШКнын 2020-жылдын 22-январындагы № 10 токтомунун редакциясында)

4. Атайын эсептерди ачуунун жана жабуунун тартиби

4.1. Шайлоо фондун түзүү үчүн талапкер, саясий партия атайын эсеп ачууга документтерди тариздөө тууралуу 1-форма боюнча арыз менен тиешелүү аймактык шайлоо комиссиясына кайрылат.

(КР БШКнын 2020-жылдын 22-январындагы № 10 токтомунун редакциясында)

4.2. Тиешелүү аймактык шайлоо комиссиясынан 2-форма боюнча атайын эсеп ачууга жазуу жүзүндө уруксат алгандан кийин айылдык кеңештерге талапкерлер, айылдык кеңештерге талапкерлерди көрсөткөн, же болбосо шаардык кеңешке талапкерлердин тизмесин көрсөткөн саясий партия шайлоо фондунун атайын эсебин ачуу үчүн банк мекемелерине кайрылат.

(КР БШКнын 2020-жылдын 22-январындагы № 10, 2022-жылдын
8-февралындагы № 9  токтомдорунун редакциясында)

4.3. Атайын эсепти ачуу банк мекемеси талап кылган документтерди жана тиешелүү шайлоо комиссиясы тарабынан берилген төмөнкү документтерди бергенден кийин банк мекемеси тарабынан жүзөгө ашырылат:

1) № 2-форма боюнча тиешелүү аймактык шайлоо комиссиясынын жазуу жүзүндөгү уруксаты;

2) талапкердин каржы маселелери боюнча ыйгарым укуктуу өкүлүн каттоо жөнүндө тиешелүү аймактык шайлоо комиссиясынын чечиминин көчүрмөлөрү (ал дайындалган учурда);

(КР БШКнын 2022-жылдын 8-февралындагы № 9  токтомунун редакциясында)

3) финансы маселелери боюнча ыйгарым укуктуу өкүлдүн каттоо күбөлүгүнүн көчүрмөлөрү (ал дайындалган учурда);

(КР БШКнын 2022-жылдын 8-февралындагы № 9  токтомунун редакциясында)

4.4. Талапкер, саясий партия атайын эсеп ачылган күндөн тартып үч күндүк мөөнөттө, № 3-форма боюнча өзүнүн шайлоо фондунун эсебинин маалым-дарегин аймактык шайлоо комиссиясына жазуу жүзүндө билдирүүгө милдеттүү.

(КР БШКнын 2020-жылдын 22-январындагы № 10, 2022-жылдын 8-февралындагы № 9  токтомдорунун редакциясында)

4.5. Талапкер, саясий партия өзүнүн шайлоо фондун түзүү үчүн бир гана атайын эсепти ачууга укугу бар. Мында айылдык кеңештерге талапкерлерди көрсөткөн саясий партия, айылдык кеңештерге ар бир талапкер үчүн чыгымдардын жана келип түшүүлөрдүн белгиленген чектик суммасына карата талаптарды сактоого тийиш.

(КР БШКнын 2020-жылдын 22-январындагы № 10 токтомунун редакциясында)

4.6. Эсепти тейлөөнүн бардык шарттары банктык эсепти тейлөөгө келишимде чагылдырылыш керек.

4.7. Шайлоо фондунун атайын эсеби банк мекемеси тарабынан Борбордук шайлоо комиссиясынын чечими боюнча талапкер, саясий партия тиешелүү аймактык шайлоо комиссиясына жыйынтыктоочу финансылык отчетту бергенден кийин жабылат.

(КР БШКнын 2022-жылдын 8-февралындагы № 9  токтомунун редакциясында)

5. Акча каражаттарын шайлоо фонддоруна которуу

5.1. Шайлоо фондун түзгөн талапкердин, саясий партиянын өздүк каражаттары жана жарандардын жана юридикалык жакттардын ыктыярдуу кайрымдуулуктары банк мекемесиндеги атайын эсепке которулат. Шайлоо фонддоруна түшкөн акча каражатары улуттук валютада кабыл алынат. Көрсөтүлгөн эсептер боюнча кирешелер кошуп эсептелбейт жана төлөнбөйт.

(КР БШКнын 2020-жылдын 22-январындагы № 10, 2022-жылдын 8-февралындагы № 9  токтомдорунун редакциясында)

5.2. Тиешелүү шайлоо фондуна жеке жактардан түшкөн ыктыярдуу кайрымдуулуктар Кыргыз Республикасынын жаранынын паспортун көрсөткөндө гана банк мекемеси тарабынан кабыл алынат. Төлөм документтеринде кайрымдуулук кылуучунун фамилиясы, аты жана атасынын аты, туулган датасы, жашаган жеринин дареги (катталган), жарандын паспортунун сериясы жана номери көрсөтүлөт, алар банк кызматкери тарабынан паспорттук маалыматтар менен салыштырылат. Накталай кайрымдуулук квитанцияларында кайрымдуулук кылуучуунун толук маалыматы "төлөмдүн арналышы" графасында көрсөтүлөт. Көрсөтүлгөн акча каражаттарын акча каражаттарын кабыл алган банктан шайлоо фонду жайгашкан банкка которууда төлөм тапшырмасында кайрымдуулук кылуучуунун реквизиттери толук көрсөтүлүүгө тийиш. Ошол эле учурда төлөм тапшырмасында же квитанциясында төлөм коду төлөм жүгүртүлүшүнүн мамлекеттик классификаторуна (ТЖМК) ылайык көрсөтүлүүгө тийиш.

(КР БШКнын 2020-жылдын 22-январындагы № 10, 2022-жылдын 8-февралындагы № 9  токтомдорунун редакциясында)

5.3. Шайлоо фондуна юридикалык жактардан келип түшүүчү ыктыярдуу кайрымдуулуктар банк мекемеси тарабынан, тийиштүү салык инспекциясынан жана Кыргыз Республикасынын Социалдык фондунун бөлүмүнөн бюджет алдында карызы жоктугу тууралуу маалымкатты көрсөтүү боюнча гана кабыл алынат. Юридикалык жактардын төлөм документтеринде "төлөмдүн арналышы" графасы төмөнкү маалыматтарды камтууга тийиш: төлөм жүгүртүлүшүнүн мамлекеттик классификаторуна (ТЖМК) ылайык төлөм коду, салык төлөөчүнүн идентификациялык номери, юридикалык жактын толук аталышы, жайгашкан жеринин дареги.

(КР БШКнын 2020-жылдын 22-январындагы № 10, 2022-жылдын 8-февралындагы № 9  токтомдорунун редакциясында)

6. Шайлоо фонддорунун каражаттарын эсепке алынышы жана чыгымдалышы

6.1. Шайлоо фонддорунун каражаттары максаттуу багытка ээ. Алар шайлоо өнөктүгүн өткөрүүгө байланышкан чыгымдарды жабууга гана пайдаланылышы мүмкүн. Шайлоо фонддорунун каражаттары төмөнкүлөргө гана пайдаланылат:

1) шайлоо алдындагы үгүткө багытталган уюштуруу-техникалык чараларды каржылык камсыз кылууга;

2) ушул Мыйзамда белгиленген өлчөмдө шайлоо күрөөсүн төлөөгө;

3) шайлоо өнөктүгүн өткөрүү менен түздөн-түз байланышкан иштерди аткаргандыгы, кызмат көрсөткөндүгү үчүн төлөөгө, атап айтканда:

а) маалыматтык жана консультативдик мүнөздөгү кызмат көрсөтүүлөргө;

б) үгүт материалдарын чыгарууга жана жайылтууга;

в) жайлардын, жабдуулардын ижарасына;

г) транспорттук жана иш-сапардык чыгымдарды жабууга;

д) байланыш кызматтарына;

е) кеңсе товарларын, жабдууларды сатып алууга;

ж) жалпыга маалымдоо каражаттарында жарыяларды жарыялоого жана талапкердин чыгып сүйлөөсүнө;

з) шайлоо алдындагы чогулуштарды, шайлоочулар менен жолугушууларды өткөрүүгө;

и) товарларды жеткирип берүүгө.

Талапкерлер, саясий партиялар, ошондой эле алардын каржы маселелери боюнча ыйгарым укуктуу өкүлдөрү атайын эсептен чыгаша операцияларын жүргүзүүдө төлөм документинде милдеттүү тартипте төмөнкүлөрдү көрсөтүүсу зарыл:

- жеке жактын аты-жөнү/юридикалык жактын (каражаттарды алуучунун) аталышы;

- каражаттарды алуучунун реквизиттери (ИНН/ПИН);

- ТЖМК ылайык төлөм коду;

- төлөөнүн арналышы.

(КР БШКнын 2020-жылдын 22-январындагы № 10, 2022-жылдын 8-февралындагы № 9  токтомдорунун редакциясында)

6.2. Талапкер, саясий партия добуш берүү күнүнө чейин кайрымдуулук кылуучулар тарабынан белгиленген тартипте берилген жарандардын жана юридикалык жактардын ошол гана кайрымдуулуктарын пайдаланууга укугуна ээ. Шайлоо фондуна келип түшкөн каражаттардан тышкары, башка акча каражаттарын жумуштарга, кызмат көрсөтүүлөргө төлөө, шайлоо алдындагы үгүт иштерин жүргүзүү, башка шайлоо алдындагы иш-чараларды жүзөгө ашыруу үчүн пайдаланууга тыюу салынат.

6.3. Талапкер, саясий партия өзүнүн шайлоо фондунун банк мекемесиндеги атайын эсебине келип түшкөн акча каражаттарынын булактары жана өлчөмдөрү жөнүндө маалымат менен таанышууга укуктуу. Талапкер, саясий партия шайлоо фондунун атайын эсебине акча каражаттарынын келип түшүшүнүн жана чыгымдалышынын эсебин жүргүзүүгө милдеттүү.

(КР БШКнын 2020-жылдын 22-январындагы № 10, 2022-жылдын 8-февралындагы № 9  токтомдорунун редакциясында)

6.4. Банк мекемелери талапкердин, саясий партиянын атайын эсебинде турган акча каражаттарынын келип түшкөндүгү жана чыгымдалышы жөнүндө маалыматты жума сайын, ал эми Борбордук шайлоо комиссиясынын талабы боюнча - 24 сааттын ичинде Борбордук шайлоо комиссиясына берүүгө милдеттүү.

Көрсөтүлгөн маалыматтар электрондук форматта ведомстволор аралык электрондук өз ара аракеттенүү системасы аркылуу жана/же кагаз жүзүндө жетекчинин колу (анын ичинде электрондук) жана банк мекемесинин мөөрү менен берилет. Бул маалыматты берүү жөнүндө жобо банк эсебин тейлөө келишиминде камтылган.

Талапкердин, саясий партиянын шайлоо фондунун атайын эсептерин тейлөөчү банк мекемелери үчүн добуш берүү күнүнөн мурунку күн жумуш күнү болуп саналат.

(КР БШКнын 2022-жылдын 8-февралындагы № 9 токтомунун редакциясында)

6.5. (КР БШКнын 2022-жылдын 8-февралындагы № 9 токтомуна ылайык алып салынган)

6.6. Шайлоо фондунун каражаттарынан, көрсөтүлгөн фондго которулган кайрымдуулуктардан, ошондой эле көрсөтүлгөн фонддон чыгымдоолордон салык алуунун тартиби Кыргыз Республикасынын мыйзамдары менен белгиленет.

7. Саясий партиялардын талапкерлеринин жарандар жана юридикалык жактар менен эсептешүүлөрү

7.1. Талапкердин шайлоо өнөктүгү менен байланышкан белгилүү жумуштарды аткаруу жөнүндө (кызмат көрсөтүү жөнүндө) жарандар жана юридикалык жактар менен келишимдер (макулдашуулар) талапкердин жеке өзү же болбосо анын ыйгарым укуктуу өкүлү, ал эми саясий партиялардын шайлоо өнөктүгү менен байланышкандар – саясий партиянын ыйгарым укуктуу өкүлү менен гана түзүлөт. Талапкердин, саясий партиялардын атайын эсептерине төлөөлөр боюнча келишимдер жана макулдашуулар добуш берүү күнүнүн алдыңкы күнүнөн кеч түзүлүшү мүмкүн эмес. Бардык каржылык операциялар, анын ичинде жеке жана юридикалык жактар менен атайын эсептер боюнча эсептешүүлөр добуш берүү күнүнүн алдыңкы күнү саат 18де токтотулат. Талапкерлердин, саясий партиялардын жана юридикалык жактардын ортосунда белгилүү бир жумуштарды (кызмат көрсөтүүлөрдү) аткарганы үчүн эсептешүүлөр накталай эмес тартипте гана жүзөгө ашырылат.

Мында  талапкердин, саясий партиянын шайлоо кампаниясы менен байланышкан белгилүү бир жумуштарды (кызматтарды көрсөтүүлөрдү) аткарганы үчүн даректүү социалдык жардам алуучу аз камсыз болгон жана жеңилдиктерге укугу бар адамдарга накталай эмес эсептешүү боюнча акы төлөнүүсү ыйгарым укуктуу мамлекеттик орган үчүн мыйзамдарда каралган социалдык төлөмдөрдү төлөөдөн баш тартуусуна себеп болуп саналбайт.

(КР БШКнын 2020-жылдын 22-январындагы № 10, 2022-жылдын 8-февралындагы № 9,  2024-жылдын 16-сентябрындагы № 119 токтомдорунун редакциясында)

7.2. Жарандар жана юридикалык жактар тарабынан аткарылуучу акысы төлөнүүчү жумуштар жана кызмат көрсөтүүлөр жазуу жүзүндө жол-жоболонушу керек (келишим, эсеп-фактура, коштомо кагаздар, кабыл алуу-өткөрүү актысы). Келишимдер тараптардын маалым-даректерин, тапшырылган жумуштун көлөмү тууралуу маалыматтарды, анын наркын, жумуштардын түрлөрү боюнча бааларды (калькуляция, смета), төлөөнүн тартибин, жумуштарды аткаруу мөөнөттөрүн, тараптардын жоопкерчиликтерин жана башка маалыматтарды камтышы керек. Жарандарды жумуштарды аткарууга жана кызматтарды көрсөтүүгө тартуу жөнүндө келишимдер Кыргыз Республикасынын жашы жеткен гана жарандары менен түзүлүшү мүмкүн. Жумаштардын жана кызмат көрсөтүүлөрдүн аткарылышы тапшырыкчы (талапкердин жеке өзү, же болбосо талапкердин, саясий партиянын шайлоо боюнча ыйгарым укуктуу өкүл тарабынан) жана аткаруучу тарабынан кол коюлган аларды кабыл алуу актылары же коё берилген продукцияларга коштоочу документтер менен бышыкталышы керек.

(КР БШКнын 2020-жылдын 22-январындагы № 10, 2022-жылдын 8-февралындагы № 9  токтомдорунун редакциясында)

7.3. (КР БШКнын 2022-жылдын 8-февралындагы № 9  токтомуна ылайык  алып салынган)

7.4. Шайлоо фондунун каражаттарынан алдын ала төлөөсүз басылма үгүт материалдарын даярдоого тыюу салынат.

(КР БШКнын 2022-жылдын 8-февралындагы № 9  токтомунун редакциясында)

7.5. Бардык басылма жана башка үгүт материалдары үгүт материалдарын даярдаган уюмдун аталышын жана дарегин (адамдын фамилиясын, атын, атасынын атын жана жашаган жеринин дарегин), бул үгүт материалдарын даярдоону заказ кылган жактын фамилиясын, аты-жөнүн (уюмдун, жеке ишкердин аталышын), алардын нускасы жана чыгаруу датасы жөнүндө маалыматты, алардын жасалышына тиешелүү шайлоо фондунун каражаттарынан төлөө жөнүндө маалыматты, ошондой эле заказга акы төлөгөн талапкердин, саясий партиянын ыйгарым укуктуу өкүлүнүн фамилиясын, атын, атасынын атын камтууга тийиш.

Көрсөтүлгөн маалыматтарды камтыбаган үгүт материалдарын таркатууга тыюу салынат.

(КР БШКнын 2022-жылдын 8-февралындагы № 9  токтомунун редакциясында)

7.6. Жарандар жана юридикалык жактар шайлоо фонддору аркылуу гана финансылык (материалдык) колдоо көрсөтүүгө укуктуу. Материалдык баалуулуктарды убактылуу пайдаланууга берүү жолу менен шайлоо алдындагы иштерге материалдык колдоо көрсөтүүнү жүзөгө ашыруу тийиштүү келишимдер түзүлгөн жана шайлоо фондунун каражаттарынын эсебинен төлөнүп берилген шарттарда гана мүмкүн.

7.7. Юридикалык жактарга, алардын филиалдарына, өкүлчүлүктөрүнө, ошондой эле жеке жактарга шайлоолор менен түздөн-түз же кыйыр байланышкан жумуштарды, кызмат көрсөтүүлөрдү, товарларды сатып өткөрүүнү акысыз аткарууга же негизсиз төмөндөтүлгөн баалар боюнча аткарууга тыюу салынат.

8. Шайлоо күрөөсү

8.1. Талапкер, шаардык кеңештин депутаттыгына талапкерлерди көрсөткөн саясий партия каттоого чейин жана берилген документтерди текшерүүдөн кийин өз шайлоо фонддорунун каражаттарынан тийиштүү аймактык шайлоо комиссиясынын атайын эсебине шайлоо күрөөсүн киргизет.

Шайлоо  күрөөсү төмөндөгү өлчөмдө белгиленет:

1) Бишкек жана Ош шаардык кеңештери - мыйзамда белгиленген эсептик көрсөткүчтөн беш жүз эсе (50 000 сом) өлчөмүндө;

2) шаардык кеңештерге (Бишкек жана Ош шаарларын алып салганда) мыйзамда белгиленген эсептик көрсөткүчтөн эки жүз эсе (20000 сом) өлчөмүндө;

3) (КР БШКнын 2024-жылдын 16-сентябрындагы №119 токтомунун редакциясына ылайык күчүн жоготту)

(КР БШКнын 2020-жылдын 22-январындагы № 10, 2022-жылдын
8-февралындагы № 9,  2024-жылдын 16-сентябрындагы №119 токтомдорунун редакциясында)

8.2. Талапкер, саясий партия Борбордук шайлоо комиссиясынын депозиттик эсебине шайлоо күрөөсүн төлөйт.

(КР БШКнын 2022-жылдын 8-февралындагы № 9  токтомунун редакциясында)

8.3. Шайлоо күрөөсү депутаттыкка талапкерлердин тизмелерин көрсөткөн саясий партияларга төмөнкүдөй учурларда кайра кайтарылып берилет:

1) шайлоонун жыйынтыктары расмий жарыяланган күндөн тартып 10 календардык күндөн кечиктирбестен тиешелүү шайлоо комиссиясына өзүнүн фондун түзүүнүн булактарын, ошондой эле жүргүзүлгөн бардык сарптоолорунун өлчөмү жөнүндө отчетту берген шартта, добуш берүүгө катышкан шайлоочулардын 15 пайыздан кем эмесинин добушун алса;

2) эгерде тиешелүү шайлоо комиссиясы тарабынан талапкерлердин тизмесин каттоодон баш тартуу жөнүндө чечим кабыл алынса;

3) (КР БШКнын 2024-жылдын 16-сентябрындагы №119 токтомунун редакциясына ылайык күчүн жоготту)

(КР БШКнын 2020-жылдын 22-январындагы № 10, 2022-жылдын 8-февралындагы № 9,  2024-жылдын 16-сентябрындагы №119 токтомдорунун редакциясында)

8.4. Күрөөнүн калган суммасы республикалык бюджетке чегерилүүгө тийиш.  

(КР БШКнын 2020-жылдын 22-январындагы № 10, 2022-жылдын
8-февралындагы № 9   токтомдорунун редакциясында)

8.5. Мыйзамдарды бузуунун натыйжасында добуш берүү күнүнө чейин саясий партиянын талапкерлеринин тизмесин каттоо жокко чыгарылган учурда, саясий партия тарабынан төгүлгөн шайлоо күрөөсү кайтарылып берилбейт жана бюджетке чегерилүүгө тийиш.

(КР БШКнын 2024-жылдын 16-сентябрындагы №119 токтомунун редакциясында)

9. Отчеттуулук

9.1. Талапкерлер, саясий партиялар тиешелүү аймактык шайлоо комиссиясына өзүнүн шайлоо фондунун өлчөмдөрү жана түзүүнүн бардык булактары, ошондой эле бардык жүргүзүлгөн сарптоолор жөнүндө отчет берүүгө милдеттүү. Финансылык отчет кагазда алып жүрүүчүдө,    электрондук версияда (кол тамга жана мөөрү менен сканерленген көчүрмөсү) жана Борбордук шайлоо комиссиясы тарабынан белгиленген форма боюнча боюнча электрондук алып жүрүүчүдө EXCEL форматында төмөнкүдөй тартипте берилет:

1) Биринчи финансылык отчет - добуш берүү күнүнө чейин 10 күн калгандан кечиктирилбестен.

 2) Экинчи жыйынтыктоочу финансылык отчет (жыйынды маалыматтар) - добуш берүү күнүнөн кийин 10 күндөн кечиктирилбестен.

Отчеттогу маалыматтар отчет берилген датанын алдындагы 3 күндөн көп эмес датага түзүлөт.

Жыйынтыктоочу финансылык  отчетко акча каражаттарынын атайын эсепке келип түшүүсүн жана бул каражаттардын чыгымдалуусун бышыктоочу, кагаз жүзүндөгү баштапкы финансылык документтер (эсеп-фактуралар, келишимдер, коштомо кагаздар, кабыл алуу-өткөрүү актылары, банктык көчүрмөлөр жана д.у.с.). тиркелет.

(КР БШКнын 2022-жылдын 8-февралындагы № 9  токтомунун редакциясында)

9.2. Жыйынтыктоочу финансылык отчеттогу баштапкы финансылык документтер атайын эсептеринде финансылык операциялардын чагылдырылышына жараша хронологиялык ырааттуулукта берилиши керек. Мында негиз катары атайын шайлоо фондунан алынган жазма көчүрмөлөр алынат, аларга акча каражаттарын чегерүү же болбосо эсептен чыгаруу үчүн негиз катары кызмат кылган зарыл документтер тиркелет.

(КР БШКнын 2020-жылдын 22-январындагы № 10, 2022-жылдын 8-февралындагы № 9   токтомдорунун редакциясында)

9.3. Жыйынтыктоочу финансылык отчет китепчеленген түрдө берилүүсү, жана тиркемени кошуп алганда беттери бири-бирине уланып номурлануусу тийиш. Борбордук шайлоо комиссиясынын же тиешелүү аймактык комиссиянын суроо-талабы боюнча маселелер маселелер келип чыкканда, талапкер жеке өзү  (финансы маселелери боюнча ыйгарым укуктуу өкүл жок болгон учурда), талапкерлердин, саясий партиялардын финансы маселелери боюнча ыйгарым укуктуу өкүлдөрү жыйынтыктоочу финансылык отчетко жазуу жүзүндө түшүндүрмө беришет.

(КР БШКнын 2020-жылдын 22-январындагы № 10, 2022-жылдын 8-февралындагы № 9   токтомдорунун редакциясында)

9.4. Талапкердин финансылык отчетуна (биринчи, экинчи жыйынтыктоочу) талапкер жеке өзү жана финансы маселелери боюнча ыйгарым укуктуу өкүл (ал болгондо) кол коет. Саясий партиянын финансылык отчетуна (биринчи, экинчи жыйынтыктоочу) саясий партиянын жетекчси же талапкерди же талапкерлердин тизмесин көрсөткөн саясий партиянын регионалдык (аймактык) бөлүмүнүн  жетекчиси жана   финансы маселелери боюнча ыйгарым укуктуу өкүл кол коёт жана саясий партиянын мөөрү менен күбөлөндүрүлөт. Аймактык шайлоо комиссиясына жыйынтыктоочу финансылык отчетторду берүү кабыл алуу актылары менен жол-жоболоштурулат. Жыйынтыктоочу финансылык отчетту өткөргөнгө чейин калган бардык  каражаттар кайрымдуулук кылуучуларга кайтарылууга тийиш.

(КР БШКнын 2022-жылдын 8-февралындагы № 9  токтомунун редакциясында)

9.5. Атайын эсепте турган, сарпталбаган акча каражаттарынын калганы добуш берүү күнүнөн кийин талапкерге, саясий партияга же болбосо кайрымдуулук кылгандарга кайтарылып берүүгө жатат.

(КР БШКнын 2020-жылдын 22-январындагы № 10, 2022-жылдын 8-февралындагы № 9   токтомдорунун редакциясында)

9.6. Талапкердин финансылык отчетун өткөрүү милдети жеке өзүнө, же болбосо финансы маселелери боюнча ыйгарым укуктуу өкүлгө, саясий партияныкы – финансы маселелери боюнча ыйгарым укуктуу өкүлүнө жүктөлөт.

(Абзац КР БШКнын 2022-жылдын 8-февралындагы № 9  токтомуна ылайык алып салынган)

(КР БШКнын 2020-жылдын 22-январындагы № 10, 2022-жылдын 8-февралындагы № 9   токтомдорунун редакциясында)

9.7. Борбордук шайлоо комиссиясы шайлоо фонддорунун каражаттарын каражаттарынын кеип түшүүсү жана чыгымдалышы жөнүндө маалыматты, шайлоо кампанияларын финансылоо жөнүндө талапкердердин, саясий партиялардын финансылык отчетторун, шайлоо күрөөлөрүнүн келип түшкүн жана кайтарылып берилген суммалары жана жеке маалыматтар жана банктык жашырын сыр жөнүндө мыйзамдарды эске алуу менен, мамлекеттик бюджетке чегерилген суммалар жөнүдө маалыматты  милдеттүү тартипте өзүнүн расмий сайтына жайгаштырат.

(КР БШКнын 2022-жылдын 8-февралындагы № 9  токтомунун редакциясында)

10. Финансылык тартипти бузгандыгы үчүн жоопкерчилик

10.1. Шайлоо фондунун каражаттарын түзүүнүн жана пайдалануунун тартибин бузгандык, ушул Жободо белгиленген отчеттуулуктарды өз убагында бербегендик жана финансылык отчеттордо камтылган маалыматтардын анык эместиги үчүн жоопкерчиликти талапкер, талапкердин, саясий партиянын финансы маселелери боюнча ыйгарым укуктуу өкүлү тартат.

(КР БШКнын 2020-жылдын 22-январындагы № 10, 2022-жылдын 8-февралындагы № 9   токтомдорунун редакциясында)

10.2. Жергиликтүү кеңештердин депутаттарын шайлоодо өзүнүн шайлоо өнөктүгүн финансылоодо, талапкер, саясий партия тарабынан шайлоо фондунун каражаттарынан тышкары талапкердин, саясий партиянын шайлоо фондуна келип түшкөн акча каражаттарынын жалпы суммасынын 0,5 пайызынан ашуун, же болбосо талапкердин, саясий партиянын өзүнүн шайлоо фондунан чыгымдары талапкердин, саясий партиянын бардык чыгымдарынын белгиленген чектик суммасынан 0,5 пайыздан ашуун акча каражаттарын пайдаланган учурда аймактык шайлоо комиссиясы талапкерлерди, же талапкерлердин тизмесин каттоону жокко чыгарууга укуктуу.

(КР БШКнын 2020-жылдын 22-январындагы №10 токтомунун редакциясында)

10.3. Тартип бузуу фактысын аныктоо максатында шайлоо комиссиялары көмөктөшүү үчүн мамлекеттик бийлик органдарына, укук коргоо органдарына, жергиликтүү өз алдынча башкаруу органдарына, мекемелерге, уюмдарга, ишканаларга кайрылууга укуктуу.

11. Шайлоону өткөрүүгө бөлүнүп берилген каражаттардын чыгымдалышын, талапкерлердин, саясий партиялардын шайлоо фонддорунун каражаттарын контролдоо

11.1. Талапкерлердин, саясий партиялардын шайлоо фонддорунун акча каражаттарын түзүүнүн жана чыгымдалышынын тартибин контролдоо шайлоо комиссиялары тарабынан жүзөгө ашырылат.  

(КР БШКнын 2022-жылдын 8-февралындагы № 9 токтомунун редакциясында)

11.2. Талапкерлердин, саясий партиялардын шайлоо фонддорунун акча каражаттарынын келип түшүүсүн, туура эсепке алынуусун жана пайдаланылышын контролдоо үчүн, талапкерлердин, саясий партиялардын финансылык отчетторун текшерүү үчүн контролдук-ревизиялык топ түзүлөт. Контролдук-ревизиялык топту уюштуруунун жана анын ишинин тартиби Борбордук шайлоо комиссиясынын өзүнчө Жобосу менен аныкталат.

 

 

Тиркеме

№1 форма

Жергиликтүү кеңештердин депутаттарын шайлоо

		___________________________
			аймактык шайлоо комиссиясына
		__________________________
			(талапкердин фамилиясы, аты-жөнү, саясий партиянын аталышы, региондук (аймактык) бөлүмдөр)

 

Атайын шайлоо эсебин ачуу үчүн

 арыз

 

Шайлоо фондун түзүү үчүн _____________________________________________________________

____________________________________________________________________________________

(банк мекемесинин аталышы, юридикалык дареги)

атайын эсеп ачууга документтерди жол-жоболоштурууга уруксат берүүнү суранабыз.

Шайлоо фондунун акча каражаттарын тескөөгө ыйгарым укуктуу адамдар:

____________________________________________________________________________________

(талапкердин, талапкердин/саясий партиянын финансы маселелери боюнча ыйгарым укуктуу өкүлүнүн фамилиясы, аты-жөнү)

__________________________________________________ (талапкердин фамилиясы, аты-жөнү , саясий партиянын жетекчисинин фамилиясы, аты-жөнү  региондук (аймактык) бөлүмдө) М.О. __________________________________________________ (талапкердин, талапкердин/саясий партиянын финансы маселелери боюнча ыйгарым укуктуу өкүлүнүн фамилиясы, аты-жөнү)

____________________________ (кол тамга)       ___________________________ (кол тамга)   «___» ______________20____ж.

            Кыргыз Республикасынын шайлоо жөнүндө мыйзамдары жана Кыргыз Республикасынын Борбордук шайлоо комиссиясынын токтому менен бекитилген "Жергиликтүү кеңештердин депутаттарын шайлоодо талапкерлердин, саясий партиянын шайлоо фондунун акчалай каражаттарын түзүүнүн, келип түшүүсүн жана чыгымдалуусун эсепке алуунун тартиби жөнүндө"

 

 

№2форма

Жергиликтүү кеңештердин депутаттарын шайлоо

		_________________________________
			(банк мекемесинин аталышы)

Атайын шайлоо эсебин ачуу жөнүндө

“Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамынын 15-беренесинин 8-пунктуна ылайык                                _____________________________________________________________

(аймактык шайлоо комиссиясынын аталышы)

Аймактык шайлоо комиссиясы шайлоо фондун түзүү үчүн атайын шайлоо эсебин ачууга уруксат берет.

_______________________________________________________________________________

(талапкердин фамилиясы, аты-жөнү , саясий партиянын аталышы региондук (аймактык) бөлүмдөр)

 

Талапкердин, саясий партиянын шайлоо фондунун акча каражаттарын тескөөгө ыйгарым укуктуу адамдар;

_______________________________________________________________________________

(талапкердин, талапкердин/саясий партиянын финансы маселелери боюнча ыйгарым укуктуу өкүлүнүн фамилиясы, аты-жөнү)

__________________________________________________ (аймактык шайлоо комиссиясынын мүчөсүнүн фамилиясы, аты-жөнү)   М.О.

____________________________ (кол тамга   «___» ______________20____ж.

 

 

 

 

 

 

 

№3 форма

Жергиликтүү кеңештердин депутаттарын шайлоо

		___________________________
				аймактык шайлоо комиссиясына
		__________________________
			(талапкердин фамилиясы, аты-жөнү, саясий партиянын аталышы региондук (аймактык) бөлүмдөр)

                       

Банк мекемесиндеги атайын эсептин реквизиттери тууралуу

 

Шайлоо алдындагы өнөктөрдү жүргүзүү үчүн

________________________________________________________________________________________

(банк мекемесинин аталышы)

№ ____________________________________________________ атайын шайлоо эсеби ачылганын билдирет.

 

 

 

 

 

________________________________________	____________________
(талапкердин, талапкердин/саясий партиянын финансы маселелери боюнча ыйгарым укуктуу өкүлүнүн фамилиясы, аты-жөнү)	(кол тамга)
"___" _________________ 20___ж.

 

 

 

 

 

 

 

 

№ 4 форма

Жергиликтүү кеңештердин депутаттарын шайлоо

Талапкердин, саясий партиянын шайлоо фондуна акча каражаттарынын келип түшүүсү жана чыгымдалышы

__________________________________________________________________________________________
(талапкердин фамилиясы, аты-жөнү, саясий партиянын аталышы региондук (аймактык) бөлүмдөр)
____________________________________________________________________
( шайлоо эсебинин маалымат-даректери)

 1. Шайлоо фондуна келип түшкөн каражаттар

Каражаттын эсепке которулган датасы	Келип түшүү булагы	Финансылык эсептин сабынын шифри	Келип түшкөн каражаттардын суммасы (сом)	Каражаттын түшкөнүн бышыктаган документ	Белгиленген тартипти бузуу менен келип түшкөн жана кайтарылууга жаткан каражаттар
Баары

2. Шайлоо фондунун каражаттарынан кайрылып берилди, бюджетке чегерилди

Каражаттын эсепке чегерилген күнү	Эсептен каражаттарды кайтарып берүү (которуу) датасы	Каражаттардын келип түшкөн булагы	Финансылык эсептин сабынын шифри	Кайрылган, бюджетке которулган каражаттар (сомдо)	Кайтаруунун (которуунун) негизи	Каражаттардын чыгымдалганын бышыктоочу документ
Баары

 

 

 

 

3. Шайлоо фондунун каражаттарынан чыгымдалды

Чыгымдалган операциянын датасы	Каражат кимге которулган	Финансылык эсептин сабынын шифри	Суммасы (сом  менен)	Чыгымдын түрлөрү	Чыгымды бышыктоочу документ	Акча каражаттарын которуу үчүн негиз	Фондго которулган каражаттардан жаңылыш которулган, пайдаланылбаган сумма	Иш жүзүндө чыгымдалган каражаттардын суммасы
Баары

 

 

 

 

_________________________________________________________	____________________
(талапкердин, талапкердин/саясий партиянын финансы маселелери боюнча ыйгарым укуктуу өкүлүнүн фамилиясы, аты-жөнү)	(кол тамга)
"___" _________________ 20___ ж.

 

№5 форма

Жергиликтүү кеңештердин депутаттарын шайлоо

Талапкердин, саясий партиянын шайлоо фондунун атайын эсебинде турган акча каражаттарынын келип түшүүсү жана чыгымдалышы жөнүндө
МААЛЫМАТТАР

(банк мекемелери аркылуу берилет)

______________________________________________________________________________________
(талапкердин фамилиясы, аты-жөнү, саясий партиянын аталышы региондук (аймактык) бөлүмдөр)
____________________________________________________________________
____________________________________________________________________
( атайын шайлоо эсебинин маалымат-даректери)

 

20__-жылдын "___" __________________ тартып 20___-жылдын "___" __________________ чейинки мезгилде келип түшкөн каражаттар.

Каражаттын эсептешүү эсебине чегерилген датасы	Келип түшүү булагы (жеке адамдын фамилиясы же уюмдун  аталышы)	Каражатты которууну жүзөгө ашырган уюмду же жеке адамды идентификациялоочу маалымат-даректер	Сумма, сом	Келип түшүүлөрдүн түрү	Каражаттын келип түшкөнүн бышыктоочу документ
Баары

20__-жылдын "___" __________________ тартып 20__-жылдын "___" __________________ чейинки мезгилде иштетилген каражаттар.

Эсеп жүргүзүүчү эсептен чыгымдоо операциясынын датасы	Алуучу (юридикалык жактын аталышы/ жеке жактын фамилиясы, аты-жөнү)	Тѳлѳмдүн багытталышы	Сумма, сом	Чыгшымдоонун үрү	Каражатты чыгымдоону тастыктаган документ
Баары

 

_________________________________________________	____________________
(банктын башкармасынын фамилиясы, аты-жөнү, кызмат орду)	(кол тамга)
"___" _________________ 20__ ж.

 

 

 

 

№ 6 форма

Жергиликтүү кеңештердин депутаттарын шайлоо

Талапкердин, саясий партиянын макулдугунун
БЫШЫКТАМАСЫ

_________________________________________________________________________

(талапкердин фамилиясы, аты-жөнү, саясий партиянын/региондук (аймактык) бөлүмүнүн аталышы)

_________________________________________________________________________

(талапкердин же финансы маселелери боюнча ыйгарым укуктуу өкүлдүн фамилиясы, аты-жөнү)

_________________________________________________________________________

(атайын шайлоо эсебинин маалымат-даректери)

 

20__-жылдын "___" ________________№ _________________ келишимине ылайык төмөнкү жумуштарды аткарууга (товарларды сатып алууга, кызмат көрсөтүү), ошондой эле басылма үгүт материалдарын таратууга макулдук берет

 

__________________________________________________________________

(жарандын фамилиясы, аты-жөнү, уюмдун аталышы)

 

 

 

_______________________________________________________	____________________
(талапкердин, талапкердин/саясий партиянын финансы маселелери боюнча ыйгарым укуктуу өкүлүнүн фамилиясы, аты-жөнү)	(кол тамга)
"___" _________________ 20__-ж.

 

 

 

 

 

№ 7-форма

ФИНАНСЫЛЫК ОТЧЕТ
___________________________________________________
биринчи, экинчи, жыйынтыктоочу (бириктирилген маалымдоолор)

 

Талапкердин, саясий партиянын шайлоо фондуна каражаттардын келип түшүүсү жана чыгымдалышы

20__-жылдын "___" __________________ тартып 20__-жылдын "___" __________________ чейинки мезгилде.
______________________________________________________________________________________________________
(талапкердин  фамилиясы, аты-жөнү, саясий партиянын/региондук (аймактык) бөлүмүнүн аталышы)
_________________________________________________________________
(атайын шайлоо эсебинин маалымат-даректери)

№ к/н	Каражаттын келип түшкѳн булагы жана чыгымдардын түрлѳрү	Саптын коду	Сумма, сом	Эсертүү
1	2	3	4	5
1	Отчеттук мезгилдин башталышындгы калдыктар	010
2	Шайлоо фондуна келип түшкѳн каражат, анын ичинде	020
	баары:
2.1	Белгиленген тартипте кпелип түшкѳнү, анын ичинде	030
2.1.1	Талапкерлердин тизмесине киргизилген талапкердин ѳздүе каражаты	040
2.1.2	Саясий партиянын ѳздүк каражаты	050
2.1.3	Юридикалык жактын ыктыярдуу кайрымдуулук жардамы	060
2.1.4	Жеке жактын ыктыярдуу кайрымдуулук жардамы	070
2.2	«Жергиликтүү кеңештердин дептуттарын шайлоо жѳнүндѳ» КР мыйзамынын 15-беренеснинин 4,5-пункттарын бузуу менен келип түшкѳндѳр , анын ичинде:	080
2.2.1	Юридикалык жактардан	090
2.2.2	Жеке жактардан	100
2.3	Келип түшкѳн суммалардын шайлоо күрѳѳсү катары кайтарылгандар	105
2.4	Мыйзамдарда тыюу салынбаган башка келип түшүүлѳр	110
3	Кайтарылган акча каражаттары, анын ичинде	120
	баары
3.1	Республикалык боюджеттин кирешесине  чегерилендер	130
3.2	Кайрымдуулук жардам бергендерге кайтарылганы, анын ичинде	140
	баары
3.2.1	Кайрымдуулук жардам берүүгѳ   тыюу салынган юридикалык жакка же болбосо тѳлѳм документтеринде милдеттүү маалыматтарды кѳрсѳтпѳгѳндѳргѳ	150
3.2.2	Кайрымдуулук жардам берүүгѳ   тыюу салынган жеке жакка же болбосо тѳлѳм документтеринде милдеттүү маалыматтарды кѳрсѳтпѳгѳндѳргѳ	160
3.3	Кайрымдуулук жардам берүүнүн чектик ѳлчѳмүнѳн ашкан каражаттар	170
4	Шайлоо фондусунан чыгымдалган каражаттар, анын ичинде	180
	баары
4.1	Шайлоо алдындагы үгүт иштерине багытталган уюштуруу-техникалык чараларды финансылык камсыз кылуу, анын ичинде	190
	баары
4.1.1	Телерадио уктуруу уюмдары аркылуу шайлоо алдындагы үгүттѳргѳ	200
4.1.2	Мезгилдүү масма сѳз редакциялары аркылуу шайлоо алдындагы үгүттѳргѳ	210
4.2	Шайлоо күрѳѳсүн тѳлѳѳгѳ	220
4.3	Шайлоо кампанияларын ѳткѳрүүгѳ түздѳн түз байланышкан иштерди аткарууга, кызмат кѳрсѳтүүгѳ акы тѳлѳѳлѳр, анын ичинде	230
	баары
4.3.1	Маалыматтык жана консультациялык мүнѳздѳгү кызмат кѳрсѳтүүгѳ	240
4.3.2	Үгүт материалдарын чыгарууга жана жайылтууга, анын ичинде	250
	баары
4.3.2.1	Кѳрүүсү боюнча мүмкүнчүлүгү чектелген шайлоочулар үчүн үгүт материалдарын чыгарууга (1 пайыздан кем эмес)	260
4.3.3	Орун-жайларды, жабдууларды ижарага алуу	270
4.3.4	Транспорттук жана иш сапарлары  үчүн чыгымдарга тѳлѳп берүү	280
4.3.5	Байланыш кызматтары	290
4.3.6	Кеңсе товарларын, жабдууларын сатып алуу	300
4.3.7	Кулактандырууларды жарыялоо жана жалпыга маалымдоо каражаттарында талапкерлердин чыгып сүйлѳѳлѳрү	310
4.3.8	Шайлоо алдындагы чогулуштарды ѳткѳрүү, шайлоочулар менен жолугушуу	320
4.3.9	Товарларды берип туруу	330
4.4	Шайлоо алдындагы кампанияларга түздѳн түз байланышкан башка чыгымдарга тѳлѳѳ	340
	Анын ичинде
4.4.1	Салыктык чегерүүлѳр жана социалдык милдеттенмелер	360
4.4.2	Мыйзамдарда тыюу салынбаган башка чыгымдар	370
5	Отчеттук мезгилдин соңундагы калдык	380

 

Ушул финансылык отчетто көрсөтүлгөн маалыматтардын тууралыгын бышыктаймын, шайлоо фондунан тышкары шайлоо өнөктүгүн уюштурууга жана өткөрүүгө башка акча каражаттары тартылган эмес.

 

 

_________________________________________________	____________________
(талапкердин  фамилиясы, аты-жөнү, саясий партиянын/региондук (аймактык) бөлүмүнүн аталышы)	(кол тамга)

М.О.

 

_________________________________________________	____________________
(финансы маселелери боюнча ыйгарым укуктуу өкүлдүн фамилиясы, аты-жөнү)	(кол тамга)
"___" _________________ 20__ ж.

 

 

 

№ 7 формага 1-маалымат

«___» _______________20__ жылдан  «___» _________________20___жылдын аралыгында талапкердин/саясий партиянын шайлоо фондуна келип түшкѳн кайрымдуулук жардамдар жѳнүндѳ

МААЛЫМАТ

__________________________________________________________________________________

 (талапкердин фамилиясы, аты-жөнү, саясий партиянын/региондук (аймактык) бѳлүмүнүн аталышы)
 

№ к/н	Юридикалык жактын тоук аталышы	ИНН / жайгашкан деринин дареги	Келип түшкѳн кайрымдуулук жардамардынын суммасы
			баары, сом	алардын ичинде: «Жергиликтүү кеңештердин депутаттарын шайлоо жѳнүндѳ» КР Мыйзамынын 15-беренсинин 4,5-пункттарын бузуу менен, сом
1	2	3	4	5
1
2
3
4
	БААРЫ

 

№ к/н	Жеке жактын фамилия, аты-жѳнү	ИНН / жайгашкан деринин дареги	Келип түшкѳн кайрымдуулук жардамардынын суммасы
			баары, сом	алардын ичинде: «Жергиликтүү кеңештердин депутаттарын шайлоо жѳнүндѳ» КР Мыйзамынын 15-беренсинин 4,5-пункттарын бузуу менен, сом
1	2	3	4	5
1
2
3
4
	БААРЫ

 

Талапкердин/саясий партиянын шайлоо фондуна келип түшкѳн кайрымдуулук жардамдар жѳнүндѳ ушул маалыматта кѳрсѳтүлгѳн маалыматтардын тууралыган тастыктаймын, шайлоо фондуна тышкары шайлоо кампаниясын уюштурууга жана ѳткѳрүүгѳ башка акча каражаттары тартылган эмес.

_________________________________________________ ____________________ (талапкердин, талапкердин/саясий партиянын финансы маселелери боюнча ыйгарым укуктуу өкүлүнүн фамилиясы, аты-жөнү)   (кол тамгасы)     "___" _________________ 20__ ж.

№ 7 формага 2-маалымат

«___» _______________20__ жылдан  «___» _________________20___жылдын аралыгында

«Жергиликтүү кеңештердин депутаттарын шайлоо жѳнүндѳ» КР Мыйзамынын беренелерин  бузуу менен келип түшкѳн юридикалык жана жеке жактардын кайрымдуулук жардамдарын кайтаруу жѳнүндѳ

МААЛЫМАТ

 

_______________________________________________________________________________
(талапкердин фамилиясы, аты-жөнү, саясий партиянын/региондук (аймактык) бѳлүмүнүн аталышы)
 

№ к/н	Акча каржаттарынын, башка мүлктүн келип түшкѳн датасы	Юридикалык жактын толук аталышы (Жеке жактын фамилиясы, аты-жѳнү)	ИНН / Юридикалык жактын дареги /Жеке жактын дареги	Кайтраып берүүнүн негиздери*	Кайтарып берилегн дата (республикалык бюджетин кирешесине чегерүү)	Кайрымдуулук жардамдарын бергендерге кайра кайтаруу, сом	Республикалык бюджетин кирешесине чегерүү, сом
1	2	3	4	5	6	7	8
Баары

* «Жергиликтүү кеңештердин депутаттарын шайлоо жѳнүндѳ» КР Мыйзамынын тийиштүү беренелери, пункттары, пункттчалары кѳрсѳтүлѳт, ага ылайык кайрымдуулук жардамдарын кайтаруу жүргүзүлѳт.

 

 

 

 

 

 

 

 

Юридикалы жана жеке жактар тарабынан талапкердин/саясий партиянын шайлоо фондунун каражаттарын

чыгымдоо боюнча финансылык операцияларды

ЧЕЧМЕЛӨӨ

 

№ к/н	Опперациялар аяктаган дата	Юридикалык жактын толук аталышы (Жеке жактын фамилиясы, аты-жѳнү)	ИНН	Финасылык отчеттун сабынын коду	Операциянын мазмуну	Сумма, сом
1	2	3	4	5	6	7
Баары

 

Талапкердин/саясий партиянын шайлоо фондунун каражаттарын кайтарып берүү жана чыгымдоо жѳнүндѳ ушул маалыматта кѳрсѳтүлгѳн маалыматтардын тууралыган тастыктаймын, шайлоо фондуна тышкары шайлоо кампаниясын уюштурууга жана ѳткѳрүүгѳ башка акча каражаттары тартылган эмес.

 

_________________________________________________
(талапкердин, талапкердин/саясий партиянын финансы маселелери боюнча  ыйгарым укуктуу өкүлүнүн фамилиясы, аты-жөнү)		(кол тамгасы)
"___" _________________ 20__ ж.