Кадамжай аймактык шайлоо комиссиясыынын курамына жана резервине өзгөртүүлөрдү киргизүү жөнүндө

Кадамжай аймактык шайлоо комиссиясыынын мүчөлөрү С.Б. Кошбаковдун, А.А. Абдимомунованын комиссиянын курамынан чыгаруу жөнүндө, ошондой эле Кадамжай аймактык шайлоо комиссиясыынын резервинде турган А.К. Абдыразакованын, Айдарали к. К., А.Б. Жапарованын, Г.М. Мамажанованын арыздарынын негизинде, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 3, 4, 8-беренелерине, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө»  Кыргыз Республикасынын Мыйзамынын 19-беренесине, «Жергиликтүү өз алдынча башкаруу жөнүндө» Кыргыз Республикасынын Мыйзамынын 21-1-беренесинин 1-бөлүгүнүн 4-пунктуна, Кыргыз Республикасынын Шайлоо жана референдум өткөрүү боюнча борбордук комиссиясынын 2019-жылдын 6-декабрындагы № 176 токтому менен бекитилген «Шайлоо комиссияларын түзүү, таркатуу жана шайлоо комиссияларынын резервин түзүү, жүргүзүү тартиби жөнүндө» Жобосуна ылайык,

Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Баткен облусунун Кадамжай аймактык шайлоо комиссиясынын курамына төмөнкүдөй өзгөртүүлөр киргизилсин:

- жергиликтүү өз алдынча башкаруунун өкүлчүлүктүү органынан көрсөтүлгөн Кошбаков Сапарбек Балтабаевич, Абдимомунова Айзирек Абдимомуновна комиссиянын курамынан чыгарылсын.

2. Баткен облусунун Кадамжай аймактык шайлоо комиссиясынын резервине төмөнкүдөй өзгөртүүлөр киргизилсин:

- жергиликтүү өз алдынча башкаруунун өкүлчүлүктүү органынан көрсөтүлгөн Абдыразаков Азизбек Камчибекович, Айдарали кызы Каныгул, Жапарова Айжаркын Бахадыровна, Мамажанова Гулмира Мирзатовна комиссиянын резервинен чыгарылсын.

3. Бул токтом «Эркин-Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

4. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Н. Койчукеевге жүктөлсүн.

ТӨРАГАНЫН ОРУН БАСАРЫ                                        Н. КОЙЧУКЕЕВ        Н. ШАЙЛДАБЕКОВА

Бишкек ш., 2020-жылдын 28-июлу

№ 640