Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, талапкерлердин катталган тизмесинен чыгаруу  жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө Талас, Талас шаардык, Жалал-Абад, Өзгөн, Алай, Баткен, Жумгал жана Аламүдүн аймактык шайлоо комиссияларынын чечимдерин бекитүү тууралуу  

Кыргыз Республикасынын Шайлоо жана референдум өткөрүү боюнча борбордук комиссиясына жергиликтүү кеңештерде депутаттардын ыйгарым укуктарын мөөнөтүнөн мурда токтотуу жана бош калган мандаттарды өткөрүп берүү жөнүндө аймактык шайлоо комиссияларынын төмөнкү чечимдери келип түштү:

- Талас аймактык шайлоо комиссиясынын – Талас облусунун  Талас районундагы Осмонкулов айылдык кеңеши боюнча;

- Жалал-Абад аймактык шайлоо комиссиясынын – Жалал-Абад облусунун Жалал-Абад шаардык кеңеши боюнча;

- Өзгөн аймактык шайлоо комиссиясынын – Ош облусунун   Өзгөн районундагы Баш-Дөбө айылдык кеңеши боюнча;

- Алай аймактык шайлоо комиссиясынын – Ош облусунун  Алай районундагы Үч-Төбө айылдык кеңеши боюнча;

- Баткен аймактык шайлоо комиссиясынын – Баткен облусунун Баткен районундагы Кара-Булак жана Төрт-Гүл айылдык кеңештери боюнча;

- Жумгал аймактык шайлоо комиссиясынын – Нарын облусунун Жумгал районундагы Таш-Дөбө айылдык кеңеши боюнча;

- Аламүдүн аймактык шайлоо комиссиясынын – Чүй облусунун Аламүдүн районундагы Лебединовка айылдык кеңеши боюнча.

Ошондой эле жергиликтүү кеңештердин депутаттыгына талапкерлердин катталган тизмесинен талапкерлерди чыгаруу жөнүндө төмөнкү аймактык шайлоо комиссияларынан чечимдер келип түштү:

- Талас шаардык аймактык шайлоо комиссиясынын – Талас облусунун Талас шаардык кеңеши боюнча;

- Жумгал аймактык шайлоо комиссиясынын – Нарын облусунун Жумгал районундагы Таш-Дөбө айылдык кеңеши боюнча.

Аталган чечимдер “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө”  Кыргыз Республикасынын Мыйзамынын 20-беренесине, “Жергиликтүү кеңештердин депутаттарынын статусу жөнүндө" Кыргыз Республикасынын Мыйзамынын 3-беренесине жана “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 52-беренесине ылайык кабыл алынган.

“Кыргыз Республикасынын Шайлоо жана референдум өткөрүү боюнча борбордук комиссиясы жөнүндө” Кыргыз Республикасынын конституциялык Мыйзамынын 4-беренесинин 1-бөлүгүнүн 28-пунктуна ылайык, “Борбордук шайлоо комиссиясы жергиликтүү кеңештин депутатынын ыйгарым укуктарын мөөнөтүнөн мурда токтотуу жөнүндө, жергиликтүү кеңештин депутатынын бош калган мандатын өткөрүп берүү жөнүндө, жергиликтүү кеңештин депутаттыгына талапкерлерди катталган тизмеден чыгаруу жөнүндө аймактык шайлоо комиссияларынын чечимдерин бекитет".

Аймактык шайлоо комиссияларынын бекитүүгө келип түшкөн чечимдерин "Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамынын 52-беренесинин жана "Жергиликтүү кеңештердин депутаттарынын статусу жөнүндө" Кыргыз Республикасынын Мыйзамынын 3, 5-беренелеринин талаптарына ылайыктуулугун карап чыгып, "Кыргыз Республикасынын Шайлоо жана референдум өткөрүү боюнча борбордук комиссиясы жөнүндө" Кыргыз Республикасынын конституциялык Мыйзамынын 3, 4, 8-беренелерин жетекчиликке алып,

Кыргыз Республикасынын Шайлоо жана референдум өткөрүү боюнча борбордук комиссиясы 

ТОКТОМ КЫЛАТ:

1. Талас, Жалал-Абад, Өзгөн, Алай, Баткен, Жумгал жана Аламүдүн аймактык шайлоо комиссияларынын жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотуу жөнүндө чечимдери 1-тиркемеге ылайык бекитилсин.

2. Талас шаардык жана Жумгал аймактык шайлоо комиссияларынын  талапкерлердин катталган тизмесинен чыгаруу боюнча чечимдери  2-тиркемеге ылайык бекитилсин.

3. Талас, Жалал-Абад, Өзгөн, Алай, Баткен, Жумгал жана Аламүдүн аймактык шайлоо комиссияларынын бош калган мандаттарды талапкерлерге жана саясий партиялардын талапкерлеринин катталган тизмесиндеги талапкерлерге өткөрүп берүү жөнүндө чечимдери 3-тиркемеге ылайык бекитилсин.

4. Жергиликтүү кеңештердин 1-тиркемеде көрсөтүлгөн депутаттарынын күбөлүктөрү ушул токтом жарыяланган күндөн тартып, анык эмес деп таанылсын.

5. Талас, Жалал-Абад, Өзгөн, Алай, Баткен, Жумгал жана Аламүдүн аймактык шайлоо комиссиялары жергиликтүү кеңештердин шайланган депутаттарын 3-тиркемеге ылайык каттасын жана аларга белгиленген үлгүдөгү күбөлүктөрдү жана төш белгилерди тапшырсын.   

6. Бул токтом «Эркин-Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

7. Бул токтомдун көчүрмөсү тиешелүү аймактык шайлоо комиссияларына жана жергиликтүү кеңештерге жөнөтүлсүн.

8. Бул токтомдун аткарылышын контролдоо  Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Н. Ч. Койчукеевге жүктөлсүн.

ТӨРАГА                                                            Н.ШАЙЛДАБЕКОВА

Бишкек ш., 2022-жылдын 22-июлу
№ 69