2021-жылдын 9-июлунда Кыргыз Республикасынын Шайлоо жана референдум өткөрүү боюнча борбордук комиссиясынын 2021-жылдын 25-июнундагы № 559 токтому менен дайындалган Ош облусунун Алай районунун Коңур-Дөбө айыл өкмөтүнүн башчысын кайра шайлоо болуп өттү.

Коңур-Дөбө айыл өкмөтүнүн башчысынын кызмат ордуна 1 талапкер – Мусаев Саипжан Маматибраимович Коңур-Дөбө айылдык кеңешинин депутаттарынан сунушталып катталган.

Алай аймактык шайлоо комиссиясынын добуш берүүнүн жыйынтыгы жөнүндөгү 2021-жылдын 9-июлундагы протоколу менен Коңур-Дөбө айылдык кеңешиндеги 21 депутаттын 13 депутаты катышып, С. М. Мусаев 11 добуш, «бардык талапкерлерге каршы» позициясына – 2 добуш берилгендиги белгиленген.

Алай аймактык шайлоо комиссиясынын кайра шайлоонун натыйжасы жөнүндөгү 2021-жылдын 9-июлундагы протоколу менен Мусаев Саипжан Маматибраимович Коңур-Дөбө айыл өкмөтүнүн башчысы болуп шайлангандыгы аныкталган.

Ош облусунун Алай районунун Коңур-Дөбө айыл өкмөтүнүн башчысын кайра шайлоодо добуш берүүнүн жыйынтыгына жана шайлоонун натыйжасына арыз, даттануулар түшкөн жок.

2021-жылдын 9-июлундагы Алай аймактык шайлоо комиссиясынын Коңур-Дөбө айыл өкмөтүнүн башчысын кайра шайлоодо добуш берүүнүн жыйынтыгы жана шайлоонун натыйжасы тууралуу протоколдорунун негизинде, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 3, 4, 8-беренелерине, «Жергиликтүү өз алдынча башкаруу жөнүндө» Кыргыз Республикасынын Мыйзамынын 49-беренесине,
Кыргыз Республикасынын Шайлоо жана референдум өткөрүү боюнча борбордук комиссиясынын 2017-жылдын 6-январындагы №3 токтому менен бекитилген «Айыл өкмөтүнүн башчысын шайлоонун тартиби жөнүндө» Жобосуна ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. 2021-жылдын 9-июлунда өткөрүлгөн Ош облусунун Алай районунун Коңур-Дөбө айыл өкмөтүнүн башчысын кайра шайлоодо
добуш берүүнүн жыйынтыгы жана шайлоонун натыйжасы тууралуу Алай аймактык шайлоо комиссиясынын 2021-жылдын 9-июлундагы протоколдору бекитилсин.

1.1. Ош облусунун Алай районунун Коңур-Дөбө айыл өкмөтүнүн башчысын кайра шайлоо өттү деп табылсын.

1.2. Мусаев Саипжан Маматибраимович Ош облусунун Алай районунун Коңур-Дөбө айыл өкмөтүнүн башчысы болуп шайланды деп табылсын.

2. Алай аймактык шайлоо комиссиясы шайланган Коңур-Дөбө айыл өкмөтүнүн башчысына белгиленген үлгүдөгү күбөлүктү тапшырсын.
3. Бул токтом «Эркин-Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.
4. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т.У. Шайназаровго жүктөлсүн.

ТӨРАГА Н. ШАЙЛДАБЕКОВА

Бишкек ш., 2021-жылдын 16-июлу

№ 626