Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, талапкерлердин катталган тизмесинен чыгаруу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө Кара-Суу, Өзгөн, Каракол, Ак-Суу, Жети-Өгүз, Нарын, Кочкор, Ысык-Ата, Токмок жана Жайыл аймактык шайлоо комиссияларынын чечимдерин бекитүү тууралуу

Кыргыз Республикасынын Шайлоо жана референдум өткөрүү боюнча борбордук комиссиясына жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотуу жана бош калган мандаттарды өткөрүп берүү жөнүндө аймактык шайлоо комиссияларынын төмөнкү чечимдери келип түштү:

- Кара-Суу аймактык шайлоо комиссиясынын (09.04.2023ж. №9,10,11) – Ош облусунун Кара-Суу районундагы Кара-Суу шаардык, Кызыл-Суу жана Жоош айылдык кеңештери боюнча;

- Өзгөн аймактык шайлоо комиссиясынын (05.04.2023ж. №6,7) – Ош облусунун Өзгөн районундагы Кызыл-Октябрь  айылдык кеңеши боюнча.

- Каракол аймактык шайлоо комиссиясынын (03.04.2023ж. №2,3)  – Ысык-Көл облусунун Каракол шаардык кеңеши боюнча;

- Ак-Суу аймактык шайлоо комиссиясынын (03.04.2023ж. №7)  – Ысык-Көл облусунун     Ак-Суу районундагы Кара-Жал айылдык кеңеши боюнча;

- Жети-Өгүз аймактык шайлоо комиссиясынын (06.04.2023ж. №3) – Ысык-Көл облусунун Жети-Өгүз районундагы Жаргылчак жана Барскоон айылдык кеңештери боюнча;

- Нарын аймактык шайлоо комиссиясынын (06.04.2023ж. №3)  – Нарын облусунун Нарын районундагы Эмгекчил айылдык кеңеши боюнча;

- Кочкор аймактык шайлоо комиссиясынын (05.04.2023ж. №1,2)  – Нарын облусунун Кочкор районундагы Кара-Суу айылдык кеңеши боюнча;

- Ысык-Ата аймактык шайлоо комиссиясынын (03.04.2023ж. №3,4) – Чүй облусунун Ысык-Ата районундагы Кант шаардык кеңеши боюнча;

- Токмок аймактык шайлоо комиссиясынын (23.03.2023ж. №16,17; 06.04.2023ж. №19; 08.04.2023ж. №20,21) – Чүй облусунун  Токмок шаардык кеңеши боюнча;

- Жайыл аймактык шайлоо комиссиясынын (09.04.2023ж. №13,14)  – Чүй облусунун Жайыл районундагы Ак-Башат айылдык кеңеши боюнча.

Ошондой эле депутаттыкка талапкерлердин катталган тизмесинен талапкерлерди чыгаруу жөнүндө төмөнкү аймактык шайлоо комиссияларынын чечимдери келип түштү:

- Жети-Өгүз аймактык шайлоо комиссиясынын (06.04.2023ж. №3)  – Ысык-Көл облусунун Жети-Өгүз районундагы Жаргылчак айылдык кеңеши боюнча;

- Ысык-Ата аймактык шайлоо комиссиясынын (03.04.2023ж. №3) – Чүй облусунун Ысык-Ата районундагы Кант шаардык кеңеши боюнча;

- Кара-Суу аймактык шайлоо комиссиясынын (09.04.2023ж. №11)  – Ош облусунун Кара-Суу районундагы Кара-Суу шаардык кеңеши боюнча.

Аталган чечимдер «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 20-беренесине, «Жергиликтүү кеңештердин депутаттарынын статусу жөнүндө» Кыргыз Республикасынын Мыйзамынын 3-беренесине жана «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 52-беренесине ылайык кабыл алынган.

«Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 4-беренесинин 1-бөлүгүнүн 28-пунктуна ылайык, «Борбордук шайлоо комиссиясы жергиликтүү кеңештин депутатынын ыйгарым укуктарын мөөнөтүнөн мурда токтотуу жөнүндө, жергиликтүү кеңештин депутатынын бош калган мандатын өткөрүп берүү жөнүндө, жергиликтүү кеңештин депутаттыгына талапкерлерди катталган тизмеден чыгаруу жөнүндө аймактык шайлоо комиссияларынын чечимдерин бекитет».

Аймактык шайлоо комиссияларынын бекитүүгө келип түшкөн чечимдеринин «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 52-беренесинин жана «Жергиликтүү кеңештердин депутаттарынын статусу жөнүндө»  Кыргыз Республикасынын Мыйзамынын 3, 5-беренелеринин талаптарына ылайыктуулугун карап чыгып, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 3, 4, 8-беренелерин жетекчиликке алып,

Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Кара-Суу, Өзгөн, Каракол, Ак-Суу, Жети-Өгүз, Нарын, Кочкор, Ысык-Ата, Токмок жана Жайыл аймактык шайлоо комиссияларынын жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотуу жөнүндө чечимдери 1-тиркемеге ылайык бекитилсин.

2. Жети-Өгүз, Ысык-Ата жана Кара-Суу аймактык шайлоо комиссиясынын талапкерлердин катталган тизмесинен талапкерлерди чыгаруу боюнча чечимдери 2-тиркемеге ылайык бекитилсин.

3. Кара-Суу, Өзгөн, Каракол, Жети-Өгүз, Нарын, Кочкор, Ысык-Ата, Токмок жана Жайыл аймактык шайлоо комиссияларынын бош калган мандаттарды талапкерлерге жана саясий партиялардын талапкерлеринин катталган тизмесиндеги талапкерлерге өткөрүп берүү жөнүндө чечимдери 3-тиркемеге ылайык бекитилсин.

4. Жергиликтүү кеңештердин 1-тиркемеде көрсөтүлгөн депутаттарынын күбөлүктөрү ушул токтом жарыяланган күндөн тартып, анык эмес деп таанылсын.

5. Кара-Суу, Өзгөн, Каракол, Жети-Өгүз, Нарын, Кочкор, Ысык-Ата, Токмок жана Жайыл аймактык шайлоо комиссиялары жергиликтүү кеңештердин шайланган депутаттарын 3-тиркемеге ылайык каттасын жана аларга белгиленген үлгүдөгү күбөлүктөрдү жана төш белгилерди тапшырсын.

6. Бул токтом «Эркин-Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

7. Бул токтомдун көчүрмөсү тиешелүү аймактык шайлоо комиссияларына жана жергиликтүү кеңештерге жөнөтүлсүн.

8. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т.У. Шайназаровго жүктөлсүн.

ТӨРАГА                                                                   Н. ШАЙЛДАБЕКОВА                                  

Бишкек ш., 2023-жылдын 13-апрели

№32