Шайлдабекова Нуржан Кармабековна

Кыргыз Республикасынын Шайлоо жана референдум өткөрүү боюнча борбордук комиссиясынын төрагасы

Чүй облусунун Ысык-Ата районунун Люксембург айылында 1968-жылдын 12-сентябрында туулган.

Билими жогорку. 1990-жылы Кыргыз Мамлекеттик Улуттук университетинин тарых факультетин бүтүргөн.

1994-жылдын октябрынан тартып 1995-жылдын декабрына чейин Дортмунд атындагы Европалык Изилдөө жана Эл аралык мамилелер институтунда стажировка өткөн.

2004-жылы КУУнун юридикалык факультетин аяктаган. Ошол эле жылы Кыргыз Республикасынын Тышкы иштер министрлигинин Дипломатиялык академиясын бүтүргөн.

Эмгек жолу:

27.06.2016-ж. азыркы учурга чейин Кыргыз Республикасынын Шайлоо жана референдум өткөрүү боюнча борбордук комиссиясынын төрагасы;

05.11.2015-23.06.16-ж.ж. – Кыргыз Республикасынын Президенттинин Аппаратынын жетекчисинин орун басары;

02.2012-07.2015-ж.ж. – Кыргыз Республикасынын Президентинин укуктук камсыздоо бөлүмүнүн башчысынын орун басары;

12.2010-01.2012-ж.ж. – Кыргыз Республикасынын Өкмөтүнүн Аппаратынын мыйзам долбоорлоо ишин координациялоо тобунун жетекчиси;

11.2009-12.2010-ж.ж. – Кыргыз Республикасынын Өкмөтүнүн Аппаратынын мыйзам долбоорлоо ишине байкоо жүргүзүү, парламент менен өз ара аракеттенүү боюнча эксперти;

05.2007-11.2009-ж.ж. – Юридикалык компаниянын директору;

04.2006-05.2007-ж.ж. – Кыргыз Республикасынын Башкы прокуратурасынын Эл аралык байланыштар жана экстрадиция бөлүмүнүн начальниги;

08.2005-05.2006-ж.ж. – Кыргыз Республикасынын Германия Федеративдик Республикасындагы Элчилигинин биринчи катчысы;

05.2005-06.2005-ж.ж. – Өзгөчө кырдаалдар министринин кеӊешчиси;

10.2004-05.2005-ж.ж. – «Сайкал» Мода борбору ЖАКтын укук маселелери жана өнүктүрүү боюнча вице-президенти;

01.1997-09.2004-ж.ж. – Кыргыз Республикасынын Жогорку Кеңешинин Эксперттер тобунун башчысы, Эл аралык жана парламенттер аралык байланыштар боюнча комитетинин бөлүм башчысы;

1996-ж. – Кыргыз Республикасынын Жогорку Кеңешинин Эл аралык жана тышкы экономикалык маселелер боюнча комитетинин эксперти;

1994-1995-ж.ж. – Кыргыз Республикасынын Жогорку Кеңешинин Эл аралык жана парламенттер аралык байланыштар боюнча  комитетинин 1-категориядагы адиси;

1992-1994-ж.ж. – Кыргыз Республикасынын Улуттук илимдер академиясынын саясат жана экономика институтунун аспиранты;

1990-1991-ж.ж. – Кыргыз Мамлекеттик улуттук университетинин тарых кафедрасынын окутуучусу, лаборанты.

Мамлекеттик кызматтын 3-класстагы мамлекеттик кеңешчиси. Юстициянын 1-класстагы кеӊешчиси. Кыргыз Республикасынын мамлекеттик кызматынын отличниги. Кыргыз Республикасынын юстициясынын отличниги.

КР УКМКнын, КР ИИМдин, КР ТИМдин ордени жана медалдары менен сыйланган.